پنجاب کے لوگوں کو چنّی حکومت نے دیا ’دیوالی گفٹ‘، بجلی کی قیمتوں میں تخفیف اور مہنگائی بھتہ میں اضافہ

چنّی حکومت کے اعلان کے بعد ملازمین کو مجموعی طور پر 440 کروڑ روپے ہر ماہ ڈی اے کی شکل میں زیادہ ملیں گے، اتنا ہی نہیں وزیر اعلیٰ چرنجیت سنگھ چنّی نے بجلی شرحوں میں کمی کرنے کا اعلان بھی کر دیا ہے۔

چرنجیت سنگھ چنّی، تصویر آئی اے این یس
چرنجیت سنگھ چنّی، تصویر آئی اے این یس
user

قومی آوازبیورو

پنجاب حکومت نے ریاست کے لوگوں کو اور ملازمین کو دیوالی کا بڑا تحفہ دیا ہے۔ وزیر اعلیٰ چرنجیت چنّی نے پریس کانفرنس کے دوران کئی بڑے اعلانات کیے ہیں۔ وزیر اعلیٰ نے دیوالی سے قبل ریاست کے لوگوں کو بڑا تحفہ دیتے ہوئے سرکاری ملازمین کے لیے مہنگائی بھتے میں 11 فیصد اضافہ کا اعلان کیا ہے۔ اس فیصلے کے بعد ملازمین کو مجموعی طور پر 440 کروڑ روپے ہر ماہ ڈی اے کی شکل میں زیادہ ملیں گے۔ اتنا ہی نہیں، وزیر اعلیٰ چرنجیت سنگھ چنّی نے بجلی کی شرحوں میں کمی کرنے کا اعلان بھی کر دیا ہے۔

وزیر اعلیٰ چنّی نے کہا کہ بجلی اتنی ہی مہنگی ہو جتنی کہ لوگ دے سکیں۔ متفقہ طور پر کابینہ نے فیصلہ لیا ہے کہ بجلی کی شرحوں میں کمی کی جائے۔ انھوں نے کہا کہ بجلی شرحوں میں تین روپے کی کمی کی جائے گی۔ سات کلو واٹ تک کے سلیب میں ان کا ٹیرف تین روپے فی یونٹ کم ہوگا۔ ابھی 100 یونٹ پر 4.19 روپے تھا، جو اب 1.19 روپے رہ جائے گا۔ 8.76 روپے والا ریٹ اب 5.76 روپے فی یونٹ ہو جائے گا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔