مرکز تینوں زرعی قوانین واپس لے کر کسانوں کو دیوالی کا تحفہ دے: مایاوتی

مایاوتی نے ان تینوں قوانین کو واپس لینے کی ضرورت پر زور دیتے ہوئے کہا کہ دیوالی کے بعد ہی صحیح، حکومت کو ان قوانین کو واپس لینا چاہیے۔

مایاوتی، تصویر یو ین آئی
مایاوتی، تصویر یو ین آئی
user

یو این آئی

لکھنؤ: بہوجن سماج پارٹی (بی ایس پی) سپریمو مایاوتی نے پٹرول اور ڈیزل کی قیمتوں میں کمی کو عوام کے لئے نامکمل راحت قرار دیتے ہوئے کہا ہے کہ دیوالی کا صحیح تحفہ عوام کو اس وقت ملتا اگر مرکزی حکومت کسانوں کو تحریک کے لئے مجبور کر رہے تینوں زرعی قوانین کو بھی واپس لے لیتی۔

مایاوتی نے اتوار کو ٹوئٹ کرکے کہا، کہ "بی جے پی کا یہ کہنا کہ ’سب کا ساتھ، سب کا وکاس اور سب کا وشواس‘ وغیرہ کو لوگ جملہ نہ مان کر اس پر کیسے یقین کریں، جب ملک کے کسان تین زرعی قوانین کو واپس لینے کے تعلق سے طویل عرصے سے تحریک کر رہے ہیں اور ناراض بھی ہیں۔


انہوں نے ان تینوں قوانین کو واپس لینے کی ضرورت پر زور دیتے ہوئے کہا کہ دیوالی کے بعد ہی صحیح، حکومت کو ان قوانین کو واپس لینا چاہیے۔ انہوں نے ایک دیگرٹوئٹ میں کہا کہ ’’مرکزی حکومت نے تین سال میں پہلی بار ایکسائز ٹیکس میں قدرے کمی کرکے لوگوں کواس بار دیوالی پر کچھ راحت کا تحفہ دیا ہے۔ اسی طرح دیوالی کے بعد ہی صحیح اگر تینوں متنازعہ زرعی قوانین کو واپس لے کر مرکزی حکومت ملک کے کسانوں کو بھی دیوالی کا تحفہ دیتی ہے تو یہ بہتر ہی ہوگا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔