سی بی ایس ای نے 12ویں کا نتیجہ کیا جاری، 92.71 فیصد طلبا پاس

سنٹرل بورڈ آف سیکنڈری ایجوکیشن (سی بی ایس ای) کے بارہویں درجہ کے نتائج جاری کر دیے گئے ہیں۔ اس سال 12ویں کے امتحان میں مجموعی طور پر 92.71 فیصد طلبا کو کامیابی حاصل ہوئی ہے۔ قابل ذکر یہ ہے کہ ایک بار پھر طالبات نے بازی ماری ہے۔ جاری ریزلٹ کے مطابق 94.54 فیصد طالبات نے کامیابی حاصل کی ہے جب کہ 91.25 فیصد طلبا کو کامیابی حاصل ہوئی ہے۔ طلبا اپنا ریزلٹ سی بی ایس ای کی آفیشیل ویب سائٹ cbse.gov.in, results.cbse.nic.in پر چیک کر سکتے ہیں۔ ریزلٹ دیکھنے کے لیے طلبا کو اپنا رول نمبر، پیدائش کی تاریخ اور اسکول کو دیے گئے کوڈ کا استعمال کرنا ہوگا۔

سی بی ایس ای بورڈ نے کورونا وائرس کی وجہ سے اس بار ٹرم-1 اور ٹرم-2 میں بورڈ امتحانات منعقد کیے تھے، ٹرم-1 کے امتحانات نومبر-دسمبر 2021 میں اور ٹرم-2 کے امتحانات اپریل-جون 2022 میں ہوئے۔ سی بی ایس ای نے ٹرم-1 کے نتائج پہلے ہی اسکولوں کو بھیج دیے ہیں۔

اپنا ریزلٹ ایسے چیک کریں:

• سب سے پہلے آپ آفیشیل ویب سائٹ cbseresults.nic.in پر جائیں

• بارہویں درجہ ریزلٹ 2022 لنک پر کلک کریں

• اپنا رول نمبر، پیدائش کی تاریخ اور اسکول کو دیا گیا کوڈ درج کریں

• سبمٹ بٹن دبائیں

• ریزلٹ اسکرین پر آپ کے سامنے ہوگا جس کا پرنٹ نکال سکتے ہیں