ذات پر مبنی مردم شماری عوام کی اکثریت کا مطالبہ، یہ ہو کر رہے گی: لالو پرساد یادو

بہار میں ذات پر مبنی مردم شماری پر پٹنہ ہائی کورٹ کی روک کے بعد آر جی ڈی کے سربراہ لالو پرساد یادو نے دعویٰ کیا ہے کہ ذات پر مبنی اکثریتی عوام کا مطالبہ ہے اور یہ ہو کر رہے گی

<div class="paragraphs"><p>لالو پرساد یادو / آئی اے این ایس</p></div>

لالو پرساد یادو / آئی اے این ایس

user

قومی آوازبیورو

پٹنہ: بہار میں ذات پر مبنی مردم شماری پر پٹنہ ہائی کورٹ کی روک کے بعد آر جی ڈی کے سربراہ لالو پرساد یادو نے دعویٰ کیا ہے کہ ذات پر مبنی اکثریتی عوام کا مطالبہ ہے اور یہ ہو کر رہے گی۔ آر جے ڈی کے سربراہ نے جمعہ کے روز بی جے پی پر نشانہ لگاتے ہوئے اپنے ٹوئٹر اکاؤنٹ سے ٹوئٹ کیا۔

لالو نے ٹوئٹر پر لکھا کہ ذات پر مبنی مردم شماری اکثریتی عوام کا مطالبہ ہے اور یہ ہو کر رہے گی۔ انہوں نے سوال پوچھا کہ بی جے پی اکثریتی پسماندہ طبقات کی مردم شماری سے خوف زدہ کیوں ہیں۔ آر جے ڈی سربراہ نے مزید لکھا کہ جو ذات پر مبنی مردم شماری کے مخالف ہیں وہ مساوات، انسانیت، برابری کا مخالف اور اونچ نیچ۔ غریبی، بے روزگاری، پسماندگی، سماجی و اقتصادی تفریق کا بھی حامی ہے۔


لال یادو نے کہا کہ ملک کے عوام ذات پر مبنی مردم شماری پر بی جے پی کی ٹیڑھی چال اور چالاکی کو سمجھ چکی ہے۔ قابل ذکر ہے بہار حکومت کی طرف سے کرائے جا رہے ذات پر مبنی مردم شماری پر جمعرات کو ہائی کورٹ نے روک لگا دی۔ لالو پرساد یادو ان دنوں پٹنہ میں ہیں۔ دو دن قبل انہوں نے آر جے ڈی کے تمام ارکان اسمبلی سے ملاقات کی تھی۔

بہار میں ذات پر مبنی مردم شماری کا کام چل رہا تھا۔ پہلے مرحلہ میں مکانوں کو شمار کرنے کا کام پورا ہو چکا ہے اور اب دوسرے مرحلے کی گنتی جاری تھی۔ یہ کام اسی مہینے میں مکمل ہونا تھا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔