نوئیڈا حادثہ: یوراج کی گاڑی چوتھے دن برآمد، بلڈر کو جیل بھیجا گیا

نوئیڈا کے سیکٹر 150 میں 27 سالہ انجینئر یووراج مہتا کی موت نے پورے ملک کی سرکاری مشینری اور انتظامی بے حسی کو کٹگھرے میں کھڑا کر دیا ہے ۔ انتظامیہ کو اس کار کو بازیافت کرنے میں پورے چار دن یعنی تقریباً 90 گھنٹے لگے جس میں یوراج جمعہ کی رات گروگرام سے اپنے گھر کے لیے روانہ ہوا تھا۔

منگل کو جب این ڈی آر ایف اور ایس ڈی آر ایف کی ٹیموں نے ایک گرے گرینڈ وٹارا کار کو موت کے اس نالے سے نکالا تو وہاں موجود ہر شخص کی آنکھیں نم تھیں ۔ یہ وہی کار ہے جس پر یوراج دو گھنٹے سے زیادہ کھڑا تھا اور ٹارچ سے مدد کی التجا کرتا رہا ۔ پولیس، فائربریگیڈ اور امدادی اداروں کے لوگ جائے وقوعہ پر موجود تھے لیکن ڈوبنے والے نوجوان کو بچانے کے لیے کسی نے پانی میں نہیں چھلانگ لگائی۔

اگر اس رات ایک ریسکیو ٹیم نیچے جاتی تو شاید یوراج آج زندہ ہوتا، جس نے دو گھنٹے سے زیادہ ٹارچ کے ذریعہ مدد مانگی تھی۔ متوفی کے والد راجکمار مہتا کا درد نظام کے لیے سب سے زیادہ ت بڑا  دھچکا ہے۔ وہ پوچھتے ہیں کہ اگر تیراک اور کشتی نہیں تھی تو ٹیم کو وہاں کیوں بھیجا گیا۔ اگر ٹیم کے پاس تیراک ہوتے تو شاید وہ بچ جاتا۔

گوتم بدھ نگر ڈسٹرکٹ مجسٹریٹ میدھا روپم کو جائے وقوعہ تک پہنچنے میں چار دن لگے جہاں ایک ہونہار نوجوان کا قتل ہوا۔ میڈیا نے ان سے سوال کیا تو وہ خاموش رہیں۔ ایسی ہی صورتحال کا سامنا عوامی نمائندوں کو کرنا پڑا۔ رکن پارلینٹ  مہیش شرما اور علاقائی  رکن اسمبلی تیج پال ناگر کو بھی چار دن بعد جائے وقوعہ پر دیکھا گیا۔

وزیر اعلی یوگی آدتیہ ناتھ کے سخت موقف کے بعد نوئیڈا اتھارٹی کے سی ای او کو ان کے عہدے سے ہٹا دیا گیا ہے۔ اس معاملے کے اہم ملزم اور ایم زیڈ وش ٹاؤن کے مالک ابھے کمار کو ہریانہ کے پلوال میں گرفتار کیا گیا ۔ انہیں ایک دن کے لیے عدالتی تحویل میں بھیج دیا گیا ہے۔ اے ڈی جی بھانو بھاسکر کی سربراہی میں ایس آئی ٹی نے جائے وقوعہ کا معائنہ کیا۔