بڑی خبر: بہار کے نالندہ میں دن دہاڑے پروفیسر کا گولی مار کر قتل

بہار کے نالندہ میں پی ایم ایس کالج کے پروفیسر اروند کمار کا نامعلوم بندوق برداروں نے گولی مار قتل کر دیا ہے۔ اتوار کی صبح جس وقت واردات کو انجام دیا گیا اس وقت پروفیسر اروند مارننگ واک پر نکلے تھے۔ زخمی حالت میں انہیں علاج کے لئے اسپتال میں داخل کرایا گیا جہاں ان کی موت واقع ہو گئی۔

نئی دہلی: دہلی کے سابق وزیر اعلیٰ مدن لال کھرانا کا ہفتہ کی شب انتقال ہو گیا، وہ 82 سال کے تھے۔ مدن لال کھرانا نے دہلی کے کیرتی نگر میں آخری سانس لی۔ ان کے بیٹے ہریش کھرانا نےایک ٹوئٹر پر یہ اطلاع دی۔

مدن لال کھرانا گزشتہ کچھ سالوں سے برین اسٹروک کی وجہ سے کوما میں تھے۔ ڈاکٹر لگاتار ان کا علاج کر رہے تھے۔ مدن لال کھرانا بی جے پی کے قدآور رہنما تھے اور سال 1993 سے 1996 تک دہلی کے وزیر اعلیٰ رہے۔ 2001 میں انہیں راجستھان کا گورنر بنایا گیا تھا۔ اسی سال اگست مہینے میں ان کے بڑے بیٹے ومل کھرنا کا بھی دورہ قلب پڑنے سے انتقال ہو گیا تھا۔