بریکنگ نیوز: غازی پور مرغا منڈی کے نمونوں میں ’برڈ فلو‘ کی تصدیق نہیں ہوئی، ’پولٹری بازار‘ کھولنے کا حکم

بریکنگ نیوز: غازی پور مرغا منڈی کے نمونوں میں برڈ فلو کی تصدیق نہیں ہوئی

دہلی حکومت نے غازی پور کی مرغا منڈی سے لئے گئے نمونوں کی برڈ فلو کے لئے رپورٹ نگیٹیو پائے جانے کے بعد اسے کھولنے کا حکم دیا ہے۔ دہلی کے وزیر اعلیٰ اروند کیجریوال نے کہا، ’’مرغا منڈی سے لئے گئے تمام نمونوں کی برڈ فلو کی رپورٹ نگیٹو آئی ہے۔ میں نے پولٹری مارکٹ کو کھولنے اور تجارت پر عائد پابندیوں کو ہٹانے اور مرغا مصنوعات کو درآمد کرنے کی ہدایت دی ہے۔‘‘

اس سے قبل دہلی حکومت نے ان تمام اساتذہ کو ڈیوٹی سے فارغ کر دیا جنہیں برڈ فلو کی صورت حال پر نگرانی کرنے کے لئے مامور کیا گیا تھا۔ دہلی کے نائب وزیر اعلیٰ منیش سسودیا نے ایک شکایت کے بعد ایسا کیا۔ انہوں نے تمام ضلع مجسٹریٹوں کو ہدایت دی کہ وہ کسی بھی ٹیچر کو اس طرح کے کاموں پر بغیر اجازت تعینات نہ کریں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔