بہار: دروازے پر مٹن پھینکنے کی مخالفت کرنے والے کا پیٹ پیٹ کر قتل

گوپال گنج ضلع واقع میر گنج تھانہ حلقہ میں ایک شخص کا پیٹ پیٹ کر قتل کر دیا گیا، الزام ہے کہ مہلوک نے اپنے پڑوسی کے ذریعہ جوٹھا مٹن پھینکنے کی مخالفت کی تھی جس پر پڑوسی نے مشتعل ہو کر یہ قدم اٹھایا۔

موب لنچنگ، تصویر آئی اے این ایس
موب لنچنگ، تصویر آئی اے این ایس
user

قومی آوازبیورو

بہار کے گوپال گنج ضلع واقع میر گنج تھانہ حلقہ میں ایک شخص کا پیٹ پیٹ کر قتل کر دیا گیا۔ الزام ہے کہ مہلوک نے اپنے پڑوسی کے ذریعہ جوٹھن کی شکل میں مٹن پھینکنے کی مخالفت کی تو پڑوسی کو غصہ آ گیا اور اسے پیٹ پیٹ کر مار ڈالا۔ اس معاملے میں پولیس نے فوری کارروائی کرتے ہوئے تین لوگوں کو گرفتار کر لیا ہے۔

پولیس کے ایک افسر نے منگل کے روز بتایا کہ میر گنج تھانہ حلقہ واقع فتح پور دیگھا گاؤں باشندہ بھگوان چوہان (40 سال) کے پڑوسی کے ذریعہ پیر کی شب مٹن کھانے کے بعد دروازے پر پھینک دیا۔ چوہان نے اس کی مخالفت کی، جس کے بعد پڑوسی نے غصہ میں اس کی پٹائی کر دی۔


میڈیا رپورٹ کے مطابق پڑوسیوں نے مل کر بھگوان چوہان کو پکڑ لیا اور اس کی پٹائی کرنے لگے۔ لاٹھی ڈنڈے سے ہوئی پٹائی کے بعد بھگوان کی موت جائے حادثہ پر ہی ہو گئی۔ اس دوران چوہان کو بچانے گئی ان کی بیوی نرملا دیوی اور بیٹے ارون کمار کے ساتھ بھی مار پیٹ کی گئی جس سے وہ دونوں بھی زخمی ہو گئے۔ زخمی ماں-بیٹا کو علاج کے لیے صدر اسپتال میں داخل کرایا گیا ہے۔

واقعہ کی خبر ملنے کے بعد وہاں پہنچی میر گنج پولیس نے لاش کو قبضے میں لے کر صدر اسپتال پوسٹ مارٹم کے لیے بھیج دیا ہے۔ گوپال گنج کے پولیس سپرنٹنڈنٹ آنند کمار نے بتایا کہ مہلوک کی بیوی کے بیان پر میر گنج تھانہ میں قتل کی ایف آئی آر درج کر لی گئی ہے۔ درج ایف آئی آر میں 14 لوگوں کو نامزد ملزم بنایا گیا ہے۔ انھوں نے بتایا کہ نامزد تین خواتین کو گرفتار کر لیا گیا ہے جب کہ دیگر ملزمین کی گرفتاری کے لیے چھاپہ ماری کی جا رہی ہے۔ ملزم فرار بتائے جا رہے ہیں۔ پولیس پورے معاملے کی جانچ کر رہی ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔