لکھنؤ: باراتیوں سے بھری گاڑی نہر میں گری، 7 بچّے لاپتہ

لکھنؤ کے تھانہ نگرام کے پٹوا کھیڑا میں باراتیوں سے بھری ایک پِک اَپ وین بے قابو ہو کر اندرا نہر میں گر گئی۔ اس حادثہ میں گاڑی میں سوار 29 میں سے 22 لوگوں کو بچا لیا گیا جب کہ 7 بچے ہنوز لاپتہ ہیں۔

تصویر سوشل میڈیا
تصویر سوشل میڈیا

قومی آوازبیورو

اتر پردیش کے لکھنؤ میں باراتیوں سے بھری ایک گاڑی اندرا نہر میں گر گئی۔ اس حادثہ میں 22 لوگوں کو بچا لیا گیا جب کہ 7 بچے نہر میں بہہ گئے جن کی تلاش جاری ہے۔ بتایا جا رہا ہے کہ 29 باراتی پِک اَپ وین میں سوار تھے جو کہ جمعرات کی صبح حادثہ کا شکار ہوئے۔ باراتی شادی سے واپس لوٹ رہے تھے۔ واقعہ کی خبر ملتے ہی پولس موقع پر پہنچی اور راحتی کام شروع کر دیا۔

لکھنؤ:  باراتیوں سے بھری گاڑی نہر میں گری، 7 بچّے لاپتہ

لکھنؤ رینج کے آئی جی ایس کے بھگت نے حادثہ کے تعلق سے میڈیا کو بتایا کہ ’’29 لوگوں کو لے جا رہی گاڑی نہر میں گر گئی اور اب تک 22 لوگوں کو بچا لیا گیا ہے۔ 7 بچے ہنوز لاپتہ ہیں۔ موقع پر این ڈی آر ایف اور غوطہ خوروں کے ذریعہ ریسکیو آپریشن جاری ہے۔‘‘

لکھنؤ:  باراتیوں سے بھری گاڑی نہر میں گری، 7 بچّے لاپتہ

خبروں کے مطابق شادی کی تقریب میں شامل ہونے کے لیے فیملی کے رکن پِک اَپ وین میں بیٹھ کر گئے تھے اور پھر ان کی واپسی ہو رہی تھی۔ اس میں خاتون، مرد اور بچے شامل تھے۔ یہ سبھی بارہ بنکی کے لونی کٹرا تھانہ کے سرائے پانڈے گاؤں کے رہنے والے تھے۔ جیسے ہی باراتیوں سے بھری یہ گاڑی پٹوا گاؤں کے پاس اندرا نہر کے قریب پہنچی تو بے قابو ہونے کی وجہ سے نہر میں گر گئی۔ اس حادثہ کے بعد کسی طرح سے مرد اور خواتین باہر نکلنے میں کامیاب ہو گئے لیکن نصف درجن بچے اب بھی لاپتہ ہیں۔

لکھنؤ:  باراتیوں سے بھری گاڑی نہر میں گری، 7 بچّے لاپتہ

اس واقعہ کا وزیر اعلیٰ یوگی آدتیہ ناتھ نے نوٹس لیا ہے۔ انھوں نے افسران کو فوری طور پر جائے حادثہ پر پہنچ کر راحتی کام کرنے اور باراتیوں کو ریسکیو کرانے کا حکم دیا ہے۔

Published: 20 Jun 2019, 1:10 PM