بھوپال واقعہ: بی جے پی حکومت خواتین کی سلامتی میں ناکام، راہل گاندھی

راہل گاندھی نے بھوپال میں ایک لڑکی کے ساتھ جنسی زیادتی کے بعد قتل کے واقعے پر گہرے رنج و غم کا اظہار کرتے ہوئے کہا کہ خواتین کی حفاظت میں بی جے پی کی حکومتیں ہر جگہ یکساں طور پر ناکام ثابت ہو رہی ہیں

راہل گاندھی، تصویر آئی اے این سی
راہل گاندھی، تصویر آئی اے این سی
user

یو این آئی

نئی دہلی: کانگریس کے سابق صدر راہل گاندھی نے بھوپال میں ایک لڑکی کے ساتھ جنسی زیادتی کے بعد قتل کے واقعے پر گہرے رنج و غم کا اظہار کرتے ہوئے الزام لگایا ہے کہ خواتین کی حفاظت میں بھارتیہ جنتا پارٹی (بی جے پی) کی حکومتیں ہر جگہ یکساں طور پر ناکام ثابت ہورہی ہیں۔

راہل گاندھی نے بھوپال میں ایک لڑکی کے قتل کے واقعے کو اترپردیش کے ہاتھرس میں اجتماعی عصمت دری اور قتل کے واقعات سے تشبیہ دی اور کہا کہ ہاتھرس جیسے واقعات بی جے پی حکومت میں رکنے کا نام نہیں لے رہے ہیں اور بی جے پی خواتین کی حفاظت میں ناکام ہو رہی ہے۔


راہل گاندھی نے ٹوئیٹ کیا ، "ہاتھرس کی طرح غیرانسانیت کتنی بار دہرائی جائے گی۔ بی جے پی حکومت نہ صرف خواتین کی سلامتی میں ناکام رہی ہے ، بلکہ متاثرہ افراد اور ان کے اہل خانہ کے ساتھ انسانی سطح پر سلوک کرنے میں بھی ناکام ہے۔

اس کے ساتھ ہی، اس نے بھوپال میں اس نوجوان لڑکی کے ساتھ زیادتی کی خبر بھی پوسٹ کی ہے ، جس میں یہ کہا گیا ہے کہ ماں گھر میں بیٹی کا انتظار کرتی رہتی ہے اور پولیس نے آخری رسومات کے لئے لاش کو اپنے ساتھ لے گئی اوراس دوران اہل خانہ کو اس کے بارے میں آگاہ کیا۔


کانگریس مواصلات کے محکمہ کے سربراہ رندیپ سنگھ سرجے والا نے کہا ، "ہاتھرس جیسے غیرانسانی سلوک کو کتنی بار دہرایا جائے گا۔ بی جے پی حکومت نہ صرف خواتین کی سلامتی میں ناکام رہی ہے ، بلکہ وہ متاثرہ افراد اور ان کے اہل خانہ کے ساتھ بھی انسانی سلوک کرنے میں ناکام ہے۔ '

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔