خبردار! دہلی-میرٹھ ایکسپریس وے پر بائیک دوڑانا پڑے گا بھاری، کٹ سکتا ہے 20 ہزار روپے کا چالان

دہلی-میرٹھ ایکسپریس وے پر دو پہیہ اور تین پہیہ گاڑیاں حادثوں کا شکار ہو رہی تھیں، ہدایت جاری کرنے کے بعد بھی لوگ ماننے کو تیار نہیں ہوئے تو یہ سخت فیصلہ نافذ کیا گیا۔

<div class="paragraphs"><p>دہلی-میرٹھ ایکسپریس واے کی فائل تصویر / Getty Images</p></div>

دہلی-میرٹھ ایکسپریس واے کی فائل تصویر / Getty Images

user

قومی آوازبیورو

غازی آباد: میرٹھ دہلی ایکسپریس وے پر لگاتار پیش آ رہے حادثوں کے پیش نظر دو پہیہ اور تین پہیہ گاڑیاں لے جانے پر مکمل طور پر پابندی عائد کی گئی ہے اور اگر کوئی ایسا کرتا پایا جاتا ہے تو اس پر بھاری جرمانہ عائد کیا جائے گا۔ رپورٹ کے مطابق ایکسپریس وے پر بائیک یا اسکوٹر لے جانے پر 20 ہزار روپے کا جرمانہ عائد کیا جائے گا۔

رپورٹ کے مطابق غازی آباد میں ٹریفک پولیس نے دوپہیہ اور تین پہیہ گاڑیوں کو ایکسپریس وے پر لے جانے کی پاداش میں 4 دنوں کے اندر ڈیڑھ ہزار سے زیادہ گاڑیوں کے چالان کاٹ دیئے ہیں۔ جن لوگوں کا 20 ہزار روپے کا چالان کاٹا گیا، ان کا درد بھی نمایاں ہو رہا ہے۔ بائیک سواروں کا کہنا ہے کہ ان کے چالان میں راحت دی جائے کیونکہ یہ بہت زیادہ ہے اور اتنی تو ان کی تنخواہ بھی نہیں ہے!


اس معاملے پر غازی آباد ٹریفک پولیس کا کہنا ہے کہ راستے میں کئی مقامات پر بورڈ اور نشانات لگائے گئے ہیں تاکہ لوگوں کو آگاہ کیا جا سکے کہ اس ایکسپریس وے پر یہ گاڑیاں ممنوع ہیں، اس کے باوجود لوگ میرٹھ ایکسپریس وے اور ایسٹرن پیریفرل ایکسپریس وے پر دو پہیہ گاڑیوں سے سفر کر رہے ہیں۔ اسی وجہ سے انتظامیہ کی جانب سے یہ سخت اقدامات اٹھائے گئے ہیں۔ پولیس کے مطابق ان ایکسپریس ویز پر موٹر سائیکل سواروں کے ساتھ کافی حادثات پیش آ رہے تھے اور جرمانہ عائد کرنے کا یہ قدم ان کی حفاظت کو مدنظر رکھتے ہوئے اٹھایا گیا ہے۔

ٹریفک پولیس نے 4 روز میں ڈیڑھ ہزار کے قریب چالان کاٹے ہیں۔ اس کا اثر یہ دیکھنے میں آ رہا ہے کہ لوگوں نے اس ایکسپریس وے کی طرف آنا بند کر دیا ہے اور اگر کوئی غلطی سے یہاں آ گیا تو اس پر بھاری جرمانہ عائد کیا جا رہا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔