قومی یادگار پر سابق وزیر اعظم واجپئی کی آخری رسومات ادا

سابق وزیر اعظم اٹل بہاری واجپئی کی آخری رسومات شام چار بجےُ ادا ہوں گی۔

تصویر سوشل میڈیا
تصویر سوشل میڈیا
user

قومی آوازبیورو

17 Aug 2018, 5:00 PM
واجپئی کی آخری رسومات کا ویڈیو
17 Aug 2018, 5:30 PM

اسمرتی استھل پر حامد کرزئی، سید علی ظفر اور پردیپ کمار گیاولی بھی موجود

سابق وزیر اعظم اٹل بہاری واجپئی کی آخری رسومات جب اسمرتی استھل پر ادا کی گئیں، اس وقت افغانستان کے سابق صدر حامد کرزئی، پاکستان کے کارگزار وزیر قانون سید علی ظفر، نیپال کے وزیر خارجہ پردیپ کمار گیاولی اور ہندوستان کی خارجہ امور کی وزیر سشما سوراج بھی موجود تھیں۔

17 Aug 2018, 5:19 PM

پورے اعزاز کے ساتھ اٹل بہاری واجپئی کی آخری رسم ادا

اسمرتی استھل پر پورے اعزاز کے ساتھ سابق وزیر اعظم اٹل بہاری واجپئی کی آخری رسومات مکمل ہوئیں۔ اس موقع پر ملک کی کئی مشہور و معروف ہستیوں نے انھیں خراجع عقیدت پیش کیا اور ملک سے باہر کے بھی کئی اہم مہمانان یہاں پہنچے۔


17 Aug 2018, 5:10 PM

فائرنگ کر سابق وزیر اعظم کو سلامی پیش کی گئی

اسمرتی استھل پر سابق وزیر اعظم اٹل بہاری واجپئی کو بندوق چلا کر آخری سلامی پیش کی گئی۔

17 Aug 2018, 4:46 PM

واجپئی کے جسد خاکی پر لپٹا ترنگا ان کے اہل خانہ کو سونپ دیا گیا ہے۔

واجپئی کی آخری رسومات کے موقع پر موجود سابق وزیر اعظم منموہن سنگھ اور کانگریس کے صدر راہل گاندھی۔


17 Aug 2018, 4:33 PM
واجپئی کا جسد خاکی قومی یادگار پر پہنچا، خراج عقیدت پیش کرنے کا سلسلہ جاری
17 Aug 2018, 4:13 PM

سابق وزیر اعظم اٹل بہاری واجپئی کا جسد خاکی قومی یادگار مقام پر پہنچ چکا ہے جہاں انہیں خراج عقیدت پیش کئے جانے کا سلسلہ جاری ہے۔ وزیر اعظم نریندر مودی، صدر رام ناتھ کووند اور تینوں فوجی سربراہان کی طرف سے انہیں خراج عقیدت پیش کر دی گئی ہے۔


17 Aug 2018, 3:36 PM
واجپئی کا جسد خاکی قومی یادگار مقام پر پہنچا

واجپئی کی آخری یاترا کا قومی یادگار مقام پر پہنچ کر اختتام ہو گیا ہے۔ یہاں جمنا کے کنارے کچھ ہی دیر میں ان کی آخری رسوم ادا کی جائیں گی۔

سابق وزیر اعظم اٹل بہاری واجپئی کی آخری یاترا میں سابق وزیر اعظم منموہن سنگھ اور کانگریس صدر راہل گاندھی بھی شامل رہے۔

واجپئی کی کی آخری رسومات میں شامل ہونے کے لئے دہلی کے وزیر اعلی اروند کیجریوال، نائب وزیر اعلیٰ منیش سسودیا، کانگریس رہنما غلام نبی آزاد سمیت کئی بڑے رہنما قومی یادگار پر پہنچے ہیں۔

17 Aug 2018, 2:07 PM
اٹل بہاری واجپئی آخری سفر پر روانہ

سابق وزیر اعظم اٹل بہارئی واجپئی کو بی جے پی ہیڈکوارٹر پر خراج عقیدت پیش کی گئی اس کے بعد ان کے جسد خاکی کی آخری یاترا شروع ہو چکی ہے۔ واجپئی کی آج شام چار بجے یہاں شانتی ون کے پاس قومی یادگار میں آخری رسم ادا کی جائے گی۔

سابق وزیر اعظم واجپئی کا طویل علالت کے بعد جمعرات کو شام پانچ بج کر پانچ منٹ پر یہاں آل انڈیا انسٹی ٹیوٹ میں انتقال ہو گیا تھا۔

UNI
UNI

سابق وزیر اعظم اٹل بہاری واجپئی کی آخری یاترا جاری ہے۔ بی جے پی کے صدر دفتر سے شروع ہوئی یہ یاترا قومی یادگار تک جائے گی جہاں شام کو ان کی آخری رسومات ادا کی جائے گی۔ وزیر اعظم نریندر مودی، بی جے پی کے صدر امت شاہ، مدھیہ پردیش کے وزیر اعلی شیوراج چوہان، مہاراشٹر کے وزیر اعلیٰ دیویندر فڑنویس سمیت بی جے پی کے متعدد رہنما ان کی آخری یاترا میں پیدر چل رہے ہیں۔ بی جے پی صدر دفتر سے قومی یادگار کا فاصلہ تقریباً چار کلومیٹر کا ہے۔


17 Aug 2018, 12:27 PM

سابق وزیر اعظم اٹل بہاری واجپئی کو بھارتیہ جنتا پارٹی (بی جے پی) کے صدر دفتر میں خراج عقیدت پیش کرنے کا سلسلہ شروع ہو گیا ہے۔

اس موقع پر وزیر اعظم نریندر مودی اور پارٹی صدر امت شاہ، وزیر داخلہ راج ناتھ سنگھ، اتر پردیش کے وزیر اعلی یوگی آدتیہ ناتھ، ہریانہ کے وزیر اعلی منوہر لال کھٹر، ریلوے کے وزیر پیوش گوئل، وزیر اعظم کے دفتر میں وزیر مملکت جتیندر سنگھ اور پارٹی کے عہدیدار موجود رہے۔ سب سے پہلے، خراج عقیدت کا آغاز مودی، شاہ اور جتیندر سنگھ نے کیا۔ مودی اور شاہ سابق وزیر اعظم کے جسد خاکی کے بی جے پی ہیڈکوارٹر پہنچنے سے کافی پہلے یہاں پہنچ گئے تھے۔

اس سے قبل واجپئی کے ترنگے میں لپیٹے جسد خاکی کو گاڑیوں کے قافلے کے ساتھ ان کے کرشن مینن روڈ پر واقع رہائش گاہ سے اکبر روڈ، انڈیا گیٹ ہوتے ہوئے دین دیال اپادھیائے روڈ پر واقع پارٹی ہیڈکوارٹر لایا گیا جہاں خراج عقیدت پیش کرنے کے لئے صبح سے ہی بڑی تعداد میں بی جے پی اور آر ایس ایس کے کارکنان موجود تھے۔

بی جے پی ہیڈکوارٹر کے ارد گرد سیکورٹی انتظامات کئے گئے ہیں اور سینئر حکام کو تعینات کیا گیا ہے۔ سابق وزیر اعظم کا طویل علالت کے بعد جمعرات کو شام پانچ بج کر پانچ منٹ پر یہاں آل انڈیا انسٹیٹیوٹ میں انتقال ہو گیا تھا۔ واجپئی کی آج شام چار بجے یہاں شانتی ون کے پاس قومی یادگار میں آخری رسم ادا کی جائے گی ۔

(یو این آئی)

قومی یادگار پر سابق وزیر اعظم واجپئی کی آخری رسومات ادا
17 Aug 2018, 1:27 PM
پاکستان کے قائم مقام وزیر واجپئی کی آخری رسم میں شامل ہوں گے

پاکستان حکومت کی جانب سے قائم مقام وزیر اطلاعات و قانون علی ظفر سابق وزیر اعظم اٹل بہاری واجپئی کی آخری رسم میں شامل ہوں گے۔

پاکستان وزارت خارجہ کے ترجمان ڈاکٹر محمد فیصل نے ٹویٹ کیا، ’’وزیر اطلاعات و قانون بیرسٹر علی ظفر کی قیادت میں ایک وفد سابق وزیر اعظم اٹل بہاری واجپئی کی آخری رسم میں شامل ہوگا‘‘۔

نیپال حکومت کی جانب سے وزیر خارجہ پردیپ کمار گیانوالي واجپئی کی آخری رسم میں شامل ہو رہے ہیں۔


17 Aug 2018, 11:21 AM

سابق وزیر اعظم اٹل بہاری واجپئی کا جسد خاکی بی جے ہیڈکواٹرز میں لایا گیا ہے جہاں ان کے آخری دیدار اور خراج عقیدت پیش کرنے کا سلسلہ جاری ہے۔

17 Aug 2018, 10:33 AM

سابق وزیر اعظم، بھارت رتن اور بی جے پی کے قدآور رہنما اٹل بہاری واجپئی کا جمعرات کو 93 سال کی عمر میں چل بسے۔ شام 5 بج کر 5 منٹ پر انہوں نے دہلی کے ایمس (آل انڈیا انسٹی ٹیوٹ آف میڈیکل سائنسز) میں آخری سانس لی۔ رات کے 9 بجے ان کا جسد خاکی ان کی کرشنا مینن مارگ واقع رہائش پر رکھا گیا ہے جہاں ان کے آخری دیدار کے لئے بڑی تعداد میں بی جے پی اور سنگھ سے وابستہ لوگ پہنچ رہے ہیں۔

ان کا جسد خاکی بی جے پی (بھارتیہ جنتا پارٹی) کے صدر دفتر پر پہنچنے کے بعد دوپہر ایک بجے آخری سفر پر روانہ ہوگا۔ ’راشٹریہ سمرتی استھل‘ تک واجپئی کی آخری یاترا نکالی جائے گی، شام 4 بجے آخری رسومات ادا ہوں گی۔

واضح رہے کہ اٹل بہاری واجپئی کے انتقال کے بعد حکومت ہند نے 7 روزہ قومی سوگ کا اعلان کیا ہے۔ اس کے علاوہ کئی ریاستی حکومتوں نے بھی 7 روزہ سوگ کا اعلان کیا ہے۔ اتر پردیش، بہار، پنجاب سمیت کئی ریاستوں نے ایک دن کی سرکاری چھٹی کا بھی اعلان کیا ہے۔ مرکز کے دائرے میں آنے والے دفاتر میں آج آدھے دن کی چھٹی رہے گی۔

UNI
UNI

17 Aug 2018, 10:11 AM
جسد خاکی بی جے پی ہیڈکوارٹر کے لئے روانہ

واجپئی کے آخری سفر پر روانہ ہونے سے قبل ان کے جسد خاکی کو بی جے پی کے صدر دفتر پر لایا جا رہا ہے۔ سابق وزیر اعظم اٹل بہاری واجپئی کے جسد خاکی کو فوج کے خصوصی ٹرک کے ذریعہ لے جایا جا رہا ہے۔ ٹرک کے آگے ہندوستانی فوج کے جوان چل رہے ہیں۔

وزیر اعظم نریندر مودی بی جے پی کے دفتر پر پہنچ چکے ہیں اور وہاں لوگوں کا جم غفیر نظر آ رہا ہے۔ واجپئی کا آخری دیدار کرنے والوں میں اکثریت بی جے پی اور آر ایس ایس سے وابستہ لوگوں کی ہے۔

تصویر سوشل میڈیا
تصویر سوشل میڈیا
واجپئی کا جسد خاکی بی جے پی ہیڈکوارٹر لایا جا رہا ہے
17 Aug 2018, 9:04 AM
اٹل بہاری واجپئی پر براہ راست نشریات کے لئے مندرجہ ذیل ویڈیو پر کلک کریں

17 Aug 2018, 10:07 AM

اٹل بہاری واجپئی کے انتقال پر سپریم کورٹ اور وہاں کی رجسٹری میں بھی آدھے دن کی تعطیل رہے گی، سپریم کورٹ آج ایک بجے تک ہی کھلے گا۔

17 Aug 2018, 9:12 AM

اٹل بہاری واجپئی کا جسد خاکی ان کی رہائش پر رکھا گیا ہے اور آخری دیدار کے لئے معزز شخصیات کے پہنچے کا سلسلہ جاری ہے۔ دیرں اثنا کانگریس صدر راہل گاندھی نے بھی واجپئی کو خراج عقیدت پیش کیا۔

اس کے علاوہ آندھرا پردیش کے وزیر اعلیٰ چندرا بابو نائیڈو، قومی سلامتی کے مشیر اجیت ڈووال، ہندوستانی بحریہ کے سربراہ سنیل لامبا سمیت دیگر شخصیات بھی واجپئی کو خراج عقیدت پیش کر چکی ہیں۔

جاوید اختر اور شبانہ اعظمی بھی واجپئی کو خراج عقیدت پیش کرنے پہنچے ۔ اس موقع پر جاوید اختر نے کہا کہ واجپئی ایسے رہنما تھے جنہیں طبقہ کے لوگوں کی محبت ملی۔


17 Aug 2018, 9:40 AM
کئی راستہ بند

جمعہ کی صبح 8 بجے سے کرشنا مینن مارگ، سنہری باغ روڈ، تغلق روڈ، اکبر روڈ، تیس جنوری مارگ، مان سنگھ روڈ، بھگوان داس روڈ، شاہجہاں روڈ اور سکندرا روڈ عام لوگوں کے لئے بند رہیں گے۔ ٹریفک پولس نے کہا ہے کہ ڈی ڈی یو روڈ، آئی پی روڈ، بی ایس جی روڈ (تلک برج سے دلی روڈ) ، جے ایل این روڈ (راج گھاٹ سے دہلی گیٹ) بھی بند رہیں گے۔

ڈی سی پی مدھر ورما کے مطابق دہلی پولس نے واجپئی کی آخری یاترا کے لئے تمام انتظامات کئے ہیں۔

17 Aug 2018, 8:47 AM
UNI
UNI
واجپئی کو خراج عقیدت پیش کرتے صدر رام ناتھ کووند

اٹل بہاری واجپئی کی آخری یاترا کے لئے سجے ہوئے 5 ٹرک پہنچ گئے ہیں۔ پہلے ان کے جسد خاکی کو بی جے پی ہیڈکوارٹر لایا جائے گا اس کے بعد وہ آخری سفر پر نکلیں گے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔