اسمبلی انتخابات: جے پی نڈا اور امت شاہ آج سے اتر پردیش کی انتخابی مہم پر

لکھنؤ: اتر پردیش میں ہونے والے آئندہ اسمبلی انتخابات کے لیےبھارتیہ جنتا پارٹی (بی جے پی) کی مرکزی قیادت نے زیادہ تر اسمبلی سیٹوں پرامیدواروں کا فیصلہ کرنے کے بعد ایک بار پھر انتخابی مہم میں اپنی سرگرم شراکت داری کو تیز کر دیا ہے۔

بی جے پی صدر جے پی نڈا اور وزیر داخلہ اور پارٹی کے سابق صدر امت شاہ جمعہ سے کورونا پروٹوکال کے بعد اتر پردیش میں مہم کو تیز کریں گے۔ اس کڑی میں مغربی اتر پردیش میں بی جے پی کی انتخابی مہم کا انچارج بنایا گئے مسٹر شاہ آج میرٹھ میں پارٹی عہدیداروں کے ساتھ میٹنگ کریں گے اور انتخابی مہم کو بڑھانے کے لیے حکمت عملی بنائیں گے۔

مسٹر شاہ اتر پردیش میں پارٹی کے اسٹار کمپینر بھی ہیں۔ ایک بار پھر اتر پردیش میں بی جے پی 300 سیٹوں پر جیت کا دعویٰ کر رہی ہے، اسے آئندہ انتخابات میں بھی مغربی اتر پردیش میں اپنی سابقہ ​​کارکردگی کو دہرانے کا چیلنج درپیش ہے۔

ان کے علاوہ نڈابھی آج آگرہ اور بریلی میں تنظیمی میٹنگیں کریں گے اور پارٹی کارکنان اور عہدیداران کو ورچوئل مہم کی حکمت عملی سے آگاہ کریں گے۔ وہ صبح 10 بجے آگرہ پہنچیں گے اور راولی مہادیو مندر میں پوجا کریں گے۔

اس کے بعد نڈا صبح 10.50 بجے ایس این جی گولڈ ریزورٹ میں 40 اسمبلی حلقوں کے عہدیداروں کے ساتھ کئی میٹنگیں کریں گے۔ آگرہ سے نڈا دوپہر 2.30 بجے بریلی پہنچیں گے۔ وہ بریلی میں گھر گھر مہم چلائیں گے۔ وہ نو اسمبلی حلقوں کے سینئر بی جے پی رہنماؤں سے بھی ملاقاتیں کریں گے۔

اس کے ساتھ ہی وزیر اعلیٰ یوگی آدتیہ ناتھ آج بی جے پی کے انتخابی رتھ کو ہری جھنڈی دکھائیں گے۔ یوگی شام 4:00 بجے پارٹی کے ڈائیلاگ پروگرام میں ویڈیو کانفرنسنگ کے ذریعے مغربی اتر پردیش کی صنعتی تنظیموں کے انچارج سے بات چیت کریں گے۔