ایشیائی کھیل: فائنل نہیں جیت سکی خاتون ہاکی ٹیم، حاصل کیا نقرئی تمغہ

ہندوستان کی خاتون ہاکی ٹیم سخت مقابلے میں آج جاپان سے شکست کھا گئی۔ ایشیائی کھیلوں کے 13ویں دن فائنل میں جاپان نے ہندوستان کو 2-1 سے شکست دی۔

ایشیائی کھیلوں میں ہندوستانی باکسر امت پنگھال بہترین کارکردگی پیش کرتے ہوئے 49 کلو گرام کیٹگری کے فائنل میں داخل ہو گئے۔ ان کی کارکردگی کو دیکھتے ہوئے ہندوستان کی امیدیں بڑھ گئی ہیں اور کھیل شائقین ایک اور طلائی تمغہ کی امید کر رہے ہیں۔

انڈونیشیا کے شہر جکارتا میں جاری 18ویں ایشیائی کھیلوں کے 13 ویں دن ہندوستان نے 3 مزید تمغے حاصل کر لئے۔ خواتین کے 49 ایف ایکس سیلنگ مقابلہ میں ہندوتان کو سلورمیڈل حاصل ہوا۔

اس کے علاوہ ورون اشوک ٹھکر اور گنپتی کیلا پنڈا چینگپا نے مردوں کے 49 ای آر سیلنگ مقابلہ میں ہندوستان کو کانسہ کا تمغہ حاصل ہوا۔ ہنددوستان کی ہرشیتا تومر نے اوپن لیز 4.7 مقابلہ میں کانسہ کا تمغہ حاصل کیا۔

جمعہ کو شام 6.30 بجے ہندوستان کی خاتون ہاکی ٹیم طلائی تمغہ کے لئے جاپان کے خلاف میدان میں اترے گی۔ اس کے علاوہ مکے بازی کے سیمی فائنل میں امت پنگھال اپنا دم دکھائیں گے۔ ہندوستان کے تجربہ کار مکے باز وکاس کرشن چوٹ لگنے کی وجہ سے سیمی فائنل سے باہر ہو گئے۔ وکاس کو اب کانسہ کے تمغہ سے ہی صبر کرنا پڑے گا۔ گزشتہ روز ایتھلیٹکس مقابلوں کا آخری دن تھا اور ہندوستانی کھلاڑیوں نے بہترین کارکردگی کا مظاہرہ کرتے ہوئے 2 طلائی سمیت 5 تمغے اپنی جھولی میں ڈالے تھے۔

جمعہ کے روز اسکویش سے ہندوستان کے لئے اچھی خبر ہے۔ ہندوستان کی خاتون ٹیم نے سیمی فائنل میں ملیشیا کو 2-0 سے ہرا کر فائنل میں مقام بنا لیا ہے اور ہندوستان کا سلور میڈل پکا ہو گیا ہے۔