آرین خان قیدی نمبر 956 ، کورونا کی رپورٹ نیگیٹو، اب عام قیدیوں کے ساتھ رہیں گے

شاہ رخ خان کے بیٹے کو ابھی مزید پانچ دن جیل میں رہنا پڑ سکتا ہے، ان کی کورونا جانچ کی رپورٹ نیگیٹو آئی ہے اس لئے اب ان کو عام قیدیوں کے ساتھ رہنا پڑے گا۔

فائل تصویر آئی اے این ایس
فائل تصویر آئی اے این ایس
user

قومی آوازبیورو

آرین خان کو منشیات معاملہ میں کل بھی ضمانت نہیں ملی اور اب عدالت 20 اکتوبر کو فیصلہ لےگی کہ ان کو ضمانت دی جا سکتی ہے یا نہیں ۔ آرین اس وقت ممبئی کی ارتھر روڈ جیل میں بند ہیں یہاں ان کی پہچان قیدی نمبر 956 ہے اور ان کو اسی نمبر سے بلایا جاتا ہے۔ واضح رہے زیر غور قیدیوں کو ایک خاص نمبر دیا جاتا ہے ۔

خبروں کے مطابق آرین خان کو تین دن پہلے منی آردڑ کے ذریعہ 4500 روپے کے کوپن ملے تھے جو ان کے گھر والوں نے بھیجے تھے۔اس پیسے سے آرین خان جیل کی کینٹین سے سامان خرید سکتے ہیں اور انہوں نے اس دوران اس کینٹین سے بسکٹ اور پانی کی بوتل خریدی تھی۔ واضح رہے جیل ضابطوں کے مطابق ہر قیدی کو 4500 روپے ماہانہ کے کوپن دئے جا سکتے ہیں ۔


جیوڈیشل کسٹڈی میں بھیجے جانے کے بعد آرین خان کو جیل کے کوارنٹائن سیل میں رکھا گیا تھا یعنی دوسرے قیدیوں سے علیحدہ رکھا گیا تھا اب ان کی کورونا جانچ کی روپرٹ نیگیٹو آ گئی ہے اس لئے اب انہیں عام قیدیوں کی بیرک میں رکھا جائے گا اور وہ اب دوسرے قیدیوں کے ساتھ ہی رہیں گے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔