شراب پالیسی معاملہ میں اگلی گرفتاری اروند کیجریوال کی ہوگی، پیشی کے دوران ٹھگ سکیش کا دعویٰ

نئی دہلی: دو سو کروڑ روپے کے فراڈ کیس میں جیل میں بند ٹھگ سکیش چندر شیکھر نے بڑا دعویٰ کیا ہے۔ پٹیالہ ہاؤس کورٹ میں پیشی کے دوران سکیش چندر شیکھر نے دعویٰ کیا ہے کہ شراب پالیسی کیس میں گرفتار ہونے والے اگلے شخص اروند کیجریوال ہون گے۔ سکیش نے کہا ’’انہوں نے جو کچھ کیا ہے میں اس کا پردہ فاش کروں گا۔‘‘

سکیش نے کہا ’’کیجریوال وزیر ہیں، شراب پالیسی کے معاملے میں مزید گرفتاریاں ہوں گی۔ کیجریوال اپنا کام بخوبی انجام دے رہے ہیں۔ میرا شراب پالیسی سے کوئی لینا دینا نہیں ہے۔‘‘

اس سے پہلے سکیش چندر شیکھر نے خط لکھ کر وزیر اعلیٰ اروند کیجریوال اور منیش سسودیا پر کئی سنگین الزامات لگائے تھے۔ سکیش نے عام آدمی پارٹی کو مہا ٹھگ قرار دیا تھا۔ اس کے ساتھ کہا تھا میں عآپ کی تمام الٹی سیدھی کارگزاریوں اور کارناموں کو بے نقاب کرنے کے لئے آ رہا ہوں۔ سکیش نے دعویٰ کیا تھا کہ اس نے سسودیا کے ساتھ قریب سے کام کیا ہے اور وہ جانتا ہے کہ وہ کس طرح ہر محکمانہ کام میں کمیشن حاصل کرتے ہیں۔