پنجاب: خلیجی ممالک میں پھنسے ہزاروں تارکین وطن کے لئے مزید پروازوں کی اپیل

ورشا شرما نے مرکزی وزیر ہردیپ سنگھ کو ٹوئٹ کرتے ہو کہا کہ وہ اپنی نوکری گنوا بیٹھی ہیں، یہاں تک کی مجھے علاج کی سخت ضرورت ہے کیونکہ میرا اسقاط حمل ہو چکا ہے۔ ہم یہاں برے حالات میں جی رہے ہیں

تصویر سوشل میڈیا
تصویر سوشل میڈیا
user

یو این آئی

امرتسر: ’امرتسر وکاس منچ‘ کے صدر منموہن سنگھ نے شہری ہوابازی کے وزیر ہریدپ سنگھ پوری سے بدھ کے روز لاک ڈاؤن کے سبب خلیجی ممالک میں پھنسے ہزاروں ہندوستانیوں کو واپس لانے کے لئے خصوصی پروازوں کی تعداد میں اضافہ کرنے کا مطالبہ کیا۔

سنگھ نے فلائی امرتسر اینی شی ایٹیو کے گلوبل کنوینر سمیپ سنگھ گمٹالا نے آج کہا کہ مرکزی حکومت کے ذریعہ کیے گئے لاک ڈاؤن کے سبب ہزاروں ہندوستانی متحدہ عرب امارات، کویت، قطر جیسے خلیجی ممالک میں پھنسے ہوئے ہیں۔ ان میں ہزاروں پنجابی بھی شامل ہیں۔ انہوں نے کہا کہ تقریباً 350000 سے زیادہ ہندوستانیوں نے گھر واپس آنے کے لئے اپنے نام کامرس ایمبیسی میں رجسٹرڈ کروائے ہیں۔ مئی کے پہلے ہفتے میں دوبئی واقع ہندوستانی کامرس ایمبیسی کو تقریباً دو لاکھ سے زیادہ درخواستیں موصول ہوئی ہیں۔

گمٹالا نے کہا کہ لوگ تین مہینوں سے ہندوستان آنے کا انتظار کررہے ہیں لیکن انہیں کوئی جواب نہیں مل رہا ہے۔ ورشا شرما، خلیجی ممالک میں بہت سے مہاجر مزدوروں مین سے ایک ہیں جن کو کووڈ۔ 19 کے سبب نوکری سے ہاتھ دھونا پڑا ہے۔

کورونا وائرس پھیلنے سے یو اے ای اور خیلیجی ممالک کی معیشت کو بڑا دھچکا لگا ہے۔ ورشا شرما نے مرکزی وزیر ہردیپ سنگھ کو ٹوئٹ کیا، انہوں نے اپنے ٹوئٹ میں لکھا کہ وہ اپنی نوکری گنوا بیٹھی ہیں۔ یہاں تک کی مجھے علاج کی سخت ضرورت ہے کیونکہ میرا اسقاط حمل ہو چکا ہے۔ ہم برے حالات میں جی رہے ہیں، برائے مہربانی ہمارے مدد کریں۔

Published: 17 Jun 2020, 5:11 PM
next