یوپی کی جنگ میں آیا دلچسپ موڑ، مودی حکومت میں وزیر انوپریا پٹیل کی ماں نے اکھلیش سے ہاتھ ملایا!

اتر پردیش اسمبلی انتخاب سے قبل ریاست میں الگ الگ پارٹی لیڈران کی سیاسی ملاقاتوں کا سلسلہ جاری ہے، اس درمیان مرکزی وزیر انوپریا پٹیل کی ماں نے اکھلیش یادو سے انتخابی سمجھوتہ کر لیا ہے۔

تصویر آئی اے این ایس
تصویر آئی اے این ایس
user

قومی آوازبیورو

اپنا دل کے کرشنا گروپ کی سربراہ کرشنا پٹیل نے سماجوادی پارٹی (ایس پی) کے ساتھ اپنی پارٹی کے اتحاد کا اعلان کر دیا ہے۔ سماجوادی پارٹی سربراہ اکھلیش یادو سے ملاقات کرنے والی کرشنا پٹیل نے نامہ نگاروں سے بات کرتے ہوئے کہا کہ پارٹی نے اتحاد کو آخری شکل دے دی ہے اور سیٹ کی تقسیم سے متعلق بعد میں تبادلہ خیال ہوگا۔ انھوں نے مزید کہا کہ ’’ہم بی جے پی کو اقتدار سے بے دخل کرنے کے لیے ہر ممکن قدم اٹھانے کو تیار ہیں۔‘‘

یہاں دلچسپ بات یہ ہے کہ کرشنا پٹیل کی بیٹی انوپریا پٹیل نہ صرف بی جے پی کی قیادت والے این ڈی اے میں شامل ہیں، بلکہ مودی حکومت میں وزیر بھی ہیں۔ انوپریا پٹیل اپنا دل کے دوسرے گروپ کی سربراہ ہیں۔ ان کے شوہر آشیش پٹیل قانون ساز کونسل کے رکن ہیں۔ حالانکہ کرشنا پٹیل کے گروپ والے اپنا دل نے جو دعویٰ کیا ہے، اس سے متعلق سماجوادی پارٹی کی طرف سے کوئی تصدیق یا تردید نہیں کی گئی ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔