پاکستان میں کورونا وائرس کے مزید 3480 نئے معاملے، 82 افراد ہلاک

اسلام آباد: گزشتہ 24 گھنٹوں کے دوران پاکستان میں عالمی وبا کورونا وائرس (کووڈ- 19) کے 3480 نئے کیسز رپورٹ اور اس وبا کی وجہ سے مزید 82 افراد ہلاک ہونے کی اطلاعات ہیں۔ نیشنل کمانڈ اینڈ آپریشن سینٹر (این سی او سی) نے ہفتہ کے روز یہ اطلاع دی۔

ملک کا این سی او سی ڈیپارٹمنٹ جو وبا کے خلاف مہم کی قیادت کر رہا ہے، نے کہا کہ کورونا کے 3480 نئے کیسز کی آمد کے ساتھ پاکستان میں متاثرہ افراد کی کل تعداد بڑھ کر12,01,367 ہو گئی ہے جن میں سے 10,82,988 افراد شفایاب ہو چکے ہیں۔ پاکستان میں کورونا وائرس کے ایکٹیو کیسز کی تعداد بڑھ کر 91,717 ہو گئی ہے جن کا ملک کے مختلف اسپتالوں میں علاج ہو رہا ہے، ان میں سے 5,373 افراد کی حالت تشویشناک بنی ہوئی ہے۔

این سی او سی کے مطابق اموات کی تعداد مزید 82 سے بڑھ کر مجموعی تعداد 26,662 ہوگئی ہے۔ پاکستان کا جنوبی سندھ صوبہ کورونا سے سب سے زیادہ متاثر ہوا ہے، جہاں متاثرہ افراد کی کل تعداد 4,43,521 ہے اور اس کے بعد مشرقی پنجاب صوبہ میں اب تک 4,11,808 متاثر ہوچکے ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔