یوپی میں لا اینڈ آرڈر ہی گینگ ریپ کا شکار: اکھلیش

اکھیلیش نے کہا کہ بے حس بی جے پی حکومت کو بتانا چاہیے کہ اس جرم کے مجرموں کا انکاؤنٹر کب ہوگا۔ یوپی میں امن و امان خود گینگ ریپ کا شکار ہو گیا ہے۔

فائل تصویر آئی اے این ایس
فائل تصویر آئی اے این ایس
user

یو این آئی

اتر پردیش میں امن و امان کی صورتحال پر حز ب اختلاف سوال اٹھاتا رہا ہے لیکن صورتحال میں کوئی تبدیلی نطر نہیں آ رہی اور روزانہ ہی اس تعلق سے خبریں سامنے آتی رہتی ہیں ۔متھرا میں مقابلہ جاتی امتحان سے واپس لوٹنے والی لڑکی کی عصمت دری کے واقعہ کو شرمناک قرار دیتے ہوئے سماج وادی پارٹی (ایس پی) کے صدر اکھلیش یادو نے طنز کرتے ہوئے کہا کہ اتر پردیش کی امن و امان کی صورتحال اجتماعی عصمت دری کا شکار ہوگئی ہے۔

اکھلیش نے جمعرات کو ٹویٹ کیاکہ "اترپردیش میں انسپکٹر بھرتی کا امتحان دینے کے بعد لوٹ رہی لڑکی کی اجتماعی عصمت دری اور متاثرہ کو زہر دینے کی خبر انتہائی افسوسناک اور قابل مذمت ہے۔ بے حس بی جے پی حکومت کو بتانا چاہیے کہ اس جرم کے مجرموں کا انکاؤنٹر کب ہوگا۔ یوپی میں امن و امان خود گینگ ریپ کا شکار ہو گیا ہے۔‘‘


واضح رہے کہ منگل کو آگرہ سے انسپکٹر بھرتی کا امتحان دے کر واپس لوٹ رہی لڑکی کے ساتھ کار میں عصمت دری کا واقعہ سامنے آیا تھا۔ اس واقعہ پر سنگین موقف اختیار کرتے ہوئے انسانی حقوق کمیشن نے پولیس کو معاملے کی تحقیقات کا حکم دیا ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔