لاک ڈاؤن کے بعد ایک کروڑ سے زیادہ افراد نے ہوائی سفر کیا

25 مئی سے پروازیں دوبارہ شروع ہونے کے بعد سے اب تک ایک لاکھ 8 ہزار 210 پروازیں روانہ ہوچکی ہیں جن میں ایک کروڑ سے زیادہ لوگ سفر کرچکے ہیں۔

تصویر سوشل میڈیا بشکریہ ویکیپیڈیا
تصویر سوشل میڈیا بشکریہ ویکیپیڈیا
user

یو این آئی

لاک ڈاؤن ختم ہونے پر گھریلو طیارہ خدمات پھر سے شروع ہونے کے بعد سے اب تک گھریلو راستوں پر فضائی سفر کرنے والوں کی تعداد ایک کروڑ سے زیادہ ہوگئی ہے ۔شہری ہوابازی کے وزیر ہردیپ سنگھ پوری نے آج ایک ٹوئٹ میں لکھا ’’25 مئی سے پروازیں دوبارہ شروع ہونے کے بعد سے اب تک ایک لاکھ 8 ہزار 210 پروازیں روانہ ہوچکی ہیں جن میں ایک کروڑ سے زیادہ لوگ سفر کرچکے ہیں۔ ہم کووڈ۔ 19 سے پہلے کے اعداد و شمار کی طرف بڑھ رہے ہیں‘‘۔ انہوں نے اس کامیابی کے لئے سبھی اسٹیک ہولڈرز کو مبارکباد دی ہے۔

سرکاری اطلاعات کے مطابق 24 ستمبر کو 1393 پروازوں میں 119702 مسافر روانہ ہوئے۔واضح رہےپہلےکےاعدادوشمار کی جانب واپس لوٹنا حالات کے معمول پرآنےکااشارہ ہے۔لوگوں کے ذہنوں سےوباکاخوف کم ہو رہا ہےاور وہ اپنی پرانی زندگی پرجلدواپس لوٹنا چاہتےہیں۔واضح رہےویسےتو وباکی وجہ سےہرطرح کاسفرمتاثر ہواتھالیکن ہوائی سفر جس کاتعلق سیاحت سےبھی جڑا ہےوہ تو بہت زیادہ متاثرہواتھا اس لئےیہ تعداد حوصلہ افزا ہے۔


کووڈ۔ 19 کے سبب ملک میں سبھی مسافر پروازیں 25 مارچ سے منسوخ کردی گئی تھیں۔ دو مہینے بعد 25 مئی سے پروازیں دوبارہ شروع ہوئی تھیں۔ پہلے حکومت نے کووڈ سےپہلے کے مقابلے میں ایک تہائی پروازوں کی ہی اجازت دی تھی جسے اب بڑھاکر 60 فیصد کردیا گیا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔