دہلی میں فضائی آلودگی میں کمی،’انتہائی خراب‘ سے ’خراب‘ کے زمرے میں

دہلی کی طرف آنے والی ہواؤں کے رخ میں تبدیلی سے بدھ کو قومی راجدھانی خطہ میں ہو اکی کوالٹی میں تیزی سے بہتری آئی ہے اور یہ منگل کے ’انتہائی خراب ‘سے ’خراب ‘کے زمرے میں آگئی ہے ۔

وزارت ماحولیات کے سسٹم آف ایئر کوالٹی اینڈ ویدرفورکاسٹنگ اینڈ ریسرچ (ایس اے ایف اے آر)کے اعدادوشمار کے مطابق دہلی میں آج پی ایم 10کا اشاریہ 170پر رہا جو ’ٹھیک ٹھاک ‘کا زمرہ ہے ۔یہاں پی ایم 2اعشاریہ 5کا اشاریہ 101رہاجو ’’ خراب ‘‘کے زمرے میں ہے ۔جمعرات کو مزید بہتری کے ساتھ پی ایم 10کا اشاریہ 148پر اور پی ایم 2اعشاریہ 5کا اشاریہ 88پر رہنے کا امکان ہے ۔

ایس اے ایف اے آرنے بتایاکہ مغرب کی طرف سے فضا میں ہونے والی تبدیلی کی وجہ سے ہوا کا رخ بدل گیا۔اس سے پنجاب اور ہریانہ میں فصلوں کی باقیات جلانے سے پیدا ہونے والی آلودگی کے ساتھ آنے والی ہوا سے راجدھانی کے لوگوں کو نجات ملی ۔اس نے بتایاکہ جمعرات کو جنوب مشرق سے دہلی کی طرف ہوائیں چلنے کا امکان ہے جس سے صورتحال میں مزید بہتری آئیگی ۔

ساتھ ہی آج اور جمعہ کو گرج کے ساتھ چھینٹیں پڑنے کا امکان ہے جس سے آلودگی اور کم ہونے کا امکان ہے ۔

آلودگی کوکنٹرول کرنے والے مرکزی بورڈ کے مطابق منگل شام چار بجے سے بدھ کےروز شام چار بجے تک دہلی میں آلودگی کا اوسط اشاریہ 214رہا جو ’’خراب ‘‘کے زمرے میں آتاہے ۔