دہلی میں عام آدمی  پارٹی نے تیار کی نئی قیادت

عام آدمی پارٹی کے راجیہ سبھا  کے رکن اور قومی تنظیم کے جنرل سکریٹری ڈاکٹر سندیپ پاٹھک نے جمعرات یعنی 29 جون کو پارٹی ہیڈکوارٹر میں تمام نو مقرر کردہ  ریاستی تنظیم سکریٹریوں اور ضلع نائب صدور کی ایک اہم میٹنگ بلائی۔ میٹنگ میں عام آدمی پارٹی کے تمام  ارکان اسمبلی بھی موجود تھے۔ تمام نو مقرر کردہ  ساتھیوں سے خطاب کرتے ہوئے وہاں موجود تمام  ارکان اسمبلی  سے ان کا تعارف کرایا گیا۔

عام آدمی پارٹی کے راجیہ سبھا  رکن  اور قومی تنظیم کے جنرل سکریٹری ڈاکٹر سندیپ پاٹھک نے میٹنگ سے خطاب کرتے ہوئے کہا کہ سب سے پہلے میں دہلی کے تمام نو مقرر کردہ ریاستی تنظیم سکریٹریوں اور ضلع نائب صدور کو مبارکباد دیتا ہوں۔

سندیپ پاٹھک نے مزید کہا، یہ سب کے لیے ایک بڑی ذمہ داری ہے، اس لیے میں سمجھتا ہوں کہ تمام ساتھیوں سے ملنا اور ان کے خیالات کو سمجھنا ایک اہم قدم ہے۔ اس عمل کے دوران تمام نو مقرر کردہ  ساتھیوں کو ایک دوسرے سے ملنے اور ایک دوسرے کو بہتر طور پر سمجھنے کا موقع ملا۔ انہوں نے کہا کہ ان کا  ماننا ہے کہ ایک مضبوط تنظیم کے لیے  یہ ضروری ہے ۔

عام آدمی پارٹی کے نو مقررکردہ دہلی اسٹیٹ آرگنائزنگ سکریٹری کے نام اس طرح ہیں ۔گنیش اگروال،  پردیپ لوہن،اجے راجپوت، گورو سنگھ، سویوگ راج بیلہ، کمال چوہدری،آدتیہ جین نو مقررکردہ آرگنائزنگ سیکریٹری ہیں۔

واضح رہے نئی قیادت میں عام آدمی پارٹی کے نو مقرر کردہ دہلی پردیش ضلع نائب صدور  بھی  ہیں جن میں آدرش نگر سے  وجیندر گرگ، پٹپڑ گنج سے نتن تیاگی، سنگم وہار سے سنجے پتھیلا، مہرولی سے دھرم ویر آوانہ،چاندنی چوک سےچھوٹے لال اگروال، نجف گڑھ سےراکیش چودھری،کراڑی سےسنجے تیاگی، تلک نگر سےراجیو یادو،بابرپور سےواجد خان،کراول نگر سےروپیش بھردواج،روہنی سےللت یادو، شاہدرہ سےمنوج تیاگی، نئی دہلی سے سنجے چودھری، قرول باغ سےنریش اگروال  ہیں۔