دہلی: کورونا کے معاملوں میں معمولی اضافہ، وزیر اعلی کریں گے میٹنگ

دہلی میں کورونا وبا سے متاثرین کی تعداد میں اضافہ ہوا ہے۔ اتوار کو کورونا کی شرح 0.06 فیصد تھی جبکہ پیر کو یہ بڑھ کر 0.08 فیصد ہو گئی ہے۔

اروند کیجریوال، تصویر یو این آئی
اروند کیجریوال، تصویر یو این آئی
user

قومی آوازبیورو

دہلی میں ایک مرتبہ پھر کورونا کے معاملوں میں اضافہ نظر آ رہا ہے جبکہ یہ اضافہ بہت معمولی ہے۔ پیر کو دہلی میں کورونا کے 34 معاملہ رپورٹ ہوئے اور اس وبا کی وجہ سے ایک کی موت بھی ہو گئی ہے۔ اس رجحان اور نئے ویرینٹ کو لے کر تشویش میں اضافہ ہوا ہے۔ دہلی کے وزیر اعلی اروند کیجریوال آج افسران سے اس تعلق سے ایک میٹنگ کرنے جا رہے ہیں ۔ واضح رہے دہلی میں ابھی کورونا کے کل 285 ایکٹو معاملہ ہیں۔

وزیر اعلی آج کی میٹنگ میں تیسری لہر اور نئے ویرینٹ کے تعلق سے دہلی کی تیاریوں پر تبادلہ خیال اور اس پر غور کریں گے کہ کیا کچھ اور کیا جا سکتا ہے ۔ واضح رہے اس وقت دنیا کے کئی ممالک میں کورونا کے نئے ویرینٹ اومائیکرون کے معاملہ سامنے آ رہے ہیں جس کی وجہ سے خوف ہے۔


دہلی میں وبا سے متاثرین کی تعداد میں اضافہ ہوا ہے۔ اتوار کو کورونا کی شرح 0.06 فیصد تھی جبکہ پیر کو یہ بڑھ کر 0.08 فیصد ہو گئی ہے۔ واضح رہے کورونا سے ٹھیک ہونے والے مریضو ں کی تعداد 36 رہی۔ دہلی حکومت کے جاری اعداد و شمار کے مطابق دہلی میں اب تک 14 لاکھ 40 ہزار 900 کورونا کے معاملہ آ چکے ہیں، جبکہ ان میں سے 14 لاکھ 15 ہزار 517 مریض ٹھیک ہو چکے ہیں یعنی 25ہزار لوگ اس وبا کی وجہ سے اس دنیا سے رخصت ہو چکے ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔