ہندوستان میں کورونا کے یومیہ معاملات میں معمولی کمی، 41649 نئے کیسز، 591 مریضوں کی موت

ملک میں کورونا وائرس (کووڈ 19) کے یومیہ سامنے آنے والے معاملات میں معمولی کمی آئی ہے، تاہم نئے کیسز کی تعداد 40 ہزار سے زیادہ رہی

کورونا، تصویر آئی اے این ایس
کورونا، تصویر آئی اے این ایس
user

یو این آئی

نئی دہلی: ملک میں کورونا وائرس (کووڈ 19) کے یومیہ سامنے آنے والے معاملات میں معمولی کمی آئی ہے، تاہم نئے کیسز کی تعداد 40 ہزار سے زیادہ رہی۔ دریں اثنا ، جمعہ کو 52 لاکھ 99 ہزار 36 افراد کو کورونا کی ویکسین لگائی گئی۔ اب تک ملک میں 46 کروڑ 15 لاکھ 18 ہزار 479 افراد کو ویکسین دی جا چکی ہے۔

ہفتہ کی صبح مرکزی وزارت صحت کی جانب سے جاری اعداد و شمار کے مطابق گزشتہ 24 گھنٹوں میں کورونا کے 41649 نئے کیسز کی آمد کے ساتھ ، متاثرہ افراد کی تعداد تین کروڑ 16 لاکھ 13 ہزار 993 ہو گئی ہے۔ اس دوران 37 ہزار 291 مریضوں کی صحت یابی کے بعد اس وبا کو شکست دینے والے لوگوں کی کل تعداد بڑھ کر 30781263 ہو گئی ہے۔


ایکٹو کیسز 3765 کے اضافے کے ساتھ 4 لاکھ 8 ہزار 290 ہو گئے ہیں۔ اسی عرصے میں 593 مریضوں کی موت کی وجہ سے ، اموات کی تعداد بڑھ کر چار لاکھ 23 ہزار 810 ہو گئی ہے۔ ملک میں فعال کیسز کی شرح 1.29 فیصد، ری کوری کی شرح 97.37 فیصد اور اموات شرح 1.34 فیصد ہے۔

مہاراشٹر میں ، گزشتہ 24 گھنٹوں کے دوران فعال معاملات 1062 کم ہو کر 80871 ہو گئے ہیں۔ دریں اثنا ، ریاست میں 7431 مریضوں کی صحت یابی کے بعد ، کورونا کو شکست دینے والے لوگوں کی تعداد بڑھ کر 6083319 ہوگئی ہے ، جبکہ 231 مریضوں کی موت کے باعث اموات کی تعداد بڑھ کر 132566 ہوگئی ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔