دہلی میں دل دہلا دینے والا حادثہ، 2 بیٹیوں کے ساتھ زندہ جلی ماں

دہلی کے اکشر دھام مندر کے پاس گزشتہ اتوار دیر شام ایک چلتی گاڑی میں اچانک شدید آگ لگ گئی، جس میں ایک خاتون کے ساتھ اس کی دو بچیوں کی دردناک موت ہو گئی۔

تصویر سوشل میڈیا
تصویر سوشل میڈیا
user

قومی آوازبیورو

دارالحکومت دہلی میں ایک دل دہلا دینے والا حادثہ ہوا ہے، یہاں کے اکشر دھام فلائی اوور پر چلتی گاڑی میں اچانک آگ لگ جانے سے 3 افراد زندہ جل گئے، مرنے والوں میں خاتون اور اس کی دو بیٹیاں شامل ہیں، حالانکہ خاتون کا شوہر کسی طرح ایک بیٹی کو بچانے میں کامیاب رہا، بتایا جا رہا ہے کہ گاڑی میں سی این جی لیک ہونے کی وجہ سے یہ حادثہ ہوا۔

خبروں کے مطابق گزشتہ اتوار کی دیر شام کو پورا خاندان گھومنے نکلا تھا، کالکا جی گھومنے کے بعد سبھی لوگ اکشر دھام مندر جا رہا تھے تبھی چلتی کار میں اچانک آگ لگ گئی، بتا دیں کہ گاڑی میں تین چھوٹی بچیاں اور ان کے ماں، باپ سوار تھے، آگ اتنی تیزی سے لگی کہ گاڑی کے پیچھے والی سیٹ پر بیٹھی خاتون رنجنا اور اس کی پانچ اور ڈیڑھ سالہ بچی کو باہر نکلنے کا موقع تک نہیں ملا، اس دوران آگ لگتے ہی کار چلا رہے اپیندر نے آگے بیٹھی بچی کو فوری طور پر باہر نکال لیا، لیکن پیچھے بیٹھی رنجنا اور اس کی دونوں بیٹیاں آگ میں جل گئیں۔ اپنی آنکھوں کے سامنے بیوی اور دو بچیوں کو چیختے چلاتے اور زندہ جلتے ہوئے دیکھ چکے اپیندر بدحواس ہیں۔

پولس کے مطابق اوپیندر مشرا اپنے خاندان کے ساتھ رام پارک، لونی میں رہتے ہیں، خاندان میں بیوی رنجنا مشرا، تین بیٹیاں ردّھی، سدّھی اور نکی تھے؛ اوپیندر ایک نجی کمپنی میں جاب کرتے ہیں، اتوار کی دوپہر وہ اپنے پورے خاندان کو اپنی ڈٹسن گو کار سے كالكاجی مندر لے کر گئے تھے، وہاں سے وہ اکشردھام مندر کو دیکھنے کے لئے آرہے تھے، جیسے ہی ان کی کا اکشردھام فلائی اوور پر چڑھنے لگی، تبھی یہ خوفناک حادثہ رونما ہوا۔