یوگی حکومت میں ’سچ‘ کا ساتھ دینے والے صحافی پر کیس دَرج

یوگی حکومت میں مرزا پور ضلع کے ایک سرکاری اسکول کی قلعی کھولنے والےصحافی پر کیس درج کیا گیا ہے۔ دراصل صحافی نے مڈ ڈے میل کے طور پر نمک کے ساتھ روٹی کھاتے بچوں کا ویڈیو جاری کیا تھا۔

تصویر سوشل میڈیا
تصویر سوشل میڈیا
user

قومی آوازبیورو

یوگی راج میں صحافیوں پر بربریت جاری ہے۔ تازہ معاملہ مرزا پور کے صحافی کا ہے جسے یوگی راج میں سچ دکھانے کی سزا ملی ہے۔ دراصل مرزا پور ضلع میں اسکولی بچوں کو مڈ ڈے میل میں صرف نمک روٹی دئیے جانےکے معاملے کو سامنے لانے والے صحافی پر کیس درج کیا گیا ہے۔

یوگی حکومت میں ’سچ‘ کا ساتھ دینے والے صحافی پر کیس دَرج

خبروں کے مطابق پولس نے تعزیرات ہند کی دفعہ 186، 193، 120بی، 420 کے تحت مقامی صحافی پون جیسوال اور گاؤں کے راج کمار پال پر سازش کرنے، غلط ثبوت بنا کر ویڈیو وائرل کرنے اور شبیہ خراب کرنے کو لے کر معاملہ درج کیا ہے۔

یوگی حکومت میں ’سچ‘ کا ساتھ دینے والے صحافی پر کیس دَرج

22 اگست کو پرائمری اسکول سیور کا ایک ویڈیو وائرل ہوا تھا، جس میں دکھایا گیا تھا کہ کس طرح طلبا مڈ ڈے میل میں صرف روٹی اور نمک کھا رہے ہیں۔ ویڈیو وائرل ہونے کے بعد یوگی حکومت کی کافی بدنامی ہوئی تھی۔ اس کے بعد انتظامیہ نے فوری طور پر کارروائی کرتے ہوئے رسوئیا مڈ ڈے میل کے ٹیچر انچارج اور این پی آر سی کے ٹیچر کو بھی معطل کر دیا گیا۔

اس معاملے پر کانگریس جنرل سکریٹری پرینکا گاندھی نے یوگی حکومت کو تنقید کا نشانہ بنایا تھا۔ انھوں نے کہا تھا کہ ’’مرزا پور کے ایک سرکاری اسکول کے بچوں کو کھانے میں نمک اور روٹی دیا جا رہا ہے۔ یہ اتر پردیش کی بی جے پی حکومت کی بدانتظامی کا اصل حال ہے۔ جس وجہ سے ریاست میں سرکاری سہولیات کی یہ بربادی ہوئی ہے۔ بچوں کے ساتھ ہوا یہ سلوک قابل مذمت ہے۔‘‘


واضح رہے کہ جمال پور کے گرام سبھا ہنوتا کے سیور پرائمری اسکول میں 22 اگست 2019 کو بچوں کو مڈ ڈے میل میں اسکول کے ملازمین نے روٹی اور نمک کھانے کے لیے دیا۔ اس اسکول میں 100 سے زیادہ بچے ہیں۔ اس معاملے کو لے کر خوب ہنگامہ ہوا تھا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


Published: 02 Sep 2019, 3:10 PM