تریپورہ میں آج سے کھل گئے چھٹی سے 12 ویں تک کے اسکول

محکمہ تعلیم کی جانب سے جاری نوٹیفکیشن میں ہدایت دی گئی ہے کہ پرنسپل کو اس بات کا یقینی بنانا چاہئے کہ بچوں کے بیٹھنے کے دوران متبادل نشستیں خالی رکھی جائیں۔

اسکول، علامتی تصویر آئی اے این ایس
اسکول، علامتی تصویر آئی اے این ایس
user

یو این آئی

اگرتلہ: عالمی وبا کورونا وائرس انفیکشن کی رفتار سست پڑنے کے دوران تریپورہ کے محکمہ تعلیم نے ضروری احتیاط اور حفاظتی طریقوں کے ساتھ بدھ یعنی آج سے چھٹی جماعت سے 12 ویں جماعت تک کے اسکول کو دوبارہ سے کھولنے کا اعلان کیا ہے۔

ابتدائی اور ثانوی تعلیم کے محکمے کی ڈائریکٹر چاندنی چندرن نے گزشتہ روز کہا تھا کہ کورونا کی پازیٹی وٹی شرح میں گراوٹ اور بچوں کی تعلیم کو ہو رہے نقصان کے پیش نظر محکمہ تعلیم نے ریاستی ڈیزاسٹر مینجمنٹ اتھارٹی کی اجازت سے 25 اگست سے سیکنڈری سطح سے آگے کی جماعتوں کو جسمانی طور پر موجود گی کا فیصلہ کیا ہے۔


کلاسز کا انعقاد کے طور طریقوں کے بارے میں معلومات فراہم کراتے ہوئے انہوں نے اسکولوں کے افسران کو صلاح دی کہ اگر وافر کمرے دستیاب نہیں ہیں تو ایک ہی شفٹ میں کلاسز لگائیں اور سبھی جماعتوں کی ہر شفٹ میں نصف طلبا کو ڈبل شفٹ میں تبدیل کیا جاسکتا ہے۔

محکمہ تعلیم کی جانب سے جاری نوٹیفکیشن میں ہدایت دی گئی ہے کہ پرنسپل کو اس بات کا یقینی بنانا چاہئے کہ بچوں کے بیٹھنے کے دوران متبادل نشستیں خالی رکھی جائیں۔ دو شفٹوں میں چلنے والے تمام اسکول، روزانہ اسکول آنے والی ہر کلاس کے نصف طلباء کے لیے ایک روسٹر تیار کریں گے، جس میں 100 فیصد اساتذہ کی حاضری اور متبادل نشستیں خالی رکھنے کا انتظام ہوگا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔