حیدرآباد اور سکندرآباد ڈویژن میں 20 ٹرینیں ایک ہفتہ کے لئے منسوخ

حیدرآباد: ساؤتھ سنٹرل ریلوے (ایس سی آر) نے انفراسٹرکچر کی دیکھ بھال کے کاموں کی وجہ سے حیدرآباد اور سکندرآباد ڈویژنوں میں 20 ٹرینیں اور 22 ایم ایم ٹی ایس ٹرینوں کو ایک ہفتہ کے لیے منسوخ کر دیا ہے۔ ایس سی آر نے اعلان کیا کہ 14 اگست سے 20 اگست تک 20 ٹرینیں منسوخ رہیں گی۔

ان میں قاضی پیٹ-دورنکل، دورنکل-قاضی پیٹ، دورنکل-وجے واڑہ، وجے واڑہ-دورنکل، بھدراچلم روڈ-وجے واڑہ، وجے واڑہ-بھدراچلم روڈ، قاضی پیٹ-سر پور ٹاؤن، بلہارشاہ-قاضی پیٹ، بھدراچلم روڈ-بلہارشاہ پور، دھرا پور روڈ ورنگل، ورنگل-حیدرآباد، سرپور ٹاؤن-کریم نگر، کریم نگر-سر پور ٹاؤن، کریم نگر-نظام آباد، نظام آباد-کریم نگر، قاضی پیٹ-بلہارشاہ شامل ہیں۔

نظام آباد اور مدکھیڑ کے درمیان مدکھیڑ-نظام آباد اور نظام آباد-پنڈھر پور کے درمیان داؤنڈ-نظام آباد جزوی طور پر منسوخ رہے گی۔ حیدرآباد اور لنگم پلی کے درمیان 22 ایم ایم ٹی ایس ٹرینیں، فلک نما اور لنگم پلی اور امدا نگر اور لنگم پلی کے درمیان بھی منسوخ کر دی گئی ہیں۔

دریں اثنا، ریلوے حکام نے یہ بھی اعلان کیا کہ ناندیڑ-چھترپتی شیواجی مہاراج ٹرمینس (ممبئی) راجیہ رانی ایکسپریس 13 اور 14 اگست کو منسوخ رہے گی۔ اسی طرح، چھترپتی شیواجی مہاراج ٹرمینس (ممبئی) - ناندیڑ کو 14 اور 15 اگست کو منسوخ کر دی گئی۔