آئی پی ایل 2020: ابتدائی وکٹیں گرا کر پنجاب پر دباؤ بنائیں گے، شین بونڈ

پنجاب کے لئے کپتان لوکیش راہل اور مینک کی بڑی شراکت تھی اور یہ دونوں کھلاڑی اب تک آئی پی ایل 13 میں بالترتیب 222 اور 221 رنز بنا چکے ہیں۔ راہل کی موجودہ فارم ممبئی کے لئے پریشانی کا سبب بن سکتی ہے۔

تصویر سوشل میڈیا
تصویر سوشل میڈیا
user

یو این آئی

ابوظہبی: ممبئی انڈینز کے بولنگ کوچ شین بونڈ کا کہنا ہے کہ کنگز الیون پنجاب کے خلاف آئی پی ایل میچ میں حریف ٹیم کی ابتدائی وکٹیں گرا کر ان کی ٹیم پر دباؤ بنائیں گے۔ پنجاب کے لئے کپتان لوکیش راہل اور مینک اگروال کی بڑی شراکت تھی اور یہ دونوں کھلاڑی اب تک آئی پی ایل 13 میں بالترتیب 222 اور 221 رنز بنا چکے ہیں۔ راہل کی موجودہ فارم ممبئی کے لئے پریشانی کا سبب بن سکتی ہے۔ انہوں نے راجستھان رائلز کے خلاف 69 اور رائل چیلنجرز بنگلور کے خلاف ناقابل شکست 132 رن بنائے تھے۔

بونڈ نے کہا کہ راہل نے پچھلے کچھ میچوں میں ہمارے خلاف رنز بنائے ہیں اور وہ ایک بہترین کھلاڑی ہیں۔ پنجاب کے کھلاڑیوں کی کارکردگی کو دیکھتے ہوئے ہم نے اپنے بالرز کے ساتھ حکمت عملی تیار کی ہے۔ راہل ایک ناقابل یقین کھلاڑی ہیں جو بڑا اسکور کرتے ہیں۔


شین بونڈ نے کہا کہ ہم جانتے ہیں کہ راہل درمیانی اوورز میں وقت لیتے ہیں لہذا ہم انہیں موقع نہیں دیں گے اور ان پر دباؤ ڈالیں گے۔ ہم نے انہیں آؤٹ کرنے کے لئے حکمت عملی بنائی ہے۔ آخر میں ہم انہیں ان ایریاز میں حصہ نہیں لینے دیں گے جو ان کا مضبوط میدان ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔