آئی پی ایل: 50 ویں میچ میں امید برقرار رکھنے کے لئے نبرد آزما ہوں گے پنجاب-راجستھان

چوتھی پوزیشن والی کنگز الیون پنجاب اور ساتویں پوزیشن کی ٹیم راجستھان رائلز جمعہ کو آئی پی ایل کے 50 ویں میچ میں پلے آف میں اپنی امیدوں کو برقرار رکھنے کے ارادے سے میدان میں اتریں گے

تصویر سوشل میڈیا
تصویر سوشل میڈیا
user

یو این آئی

ابوظبی: چوتھی پوزیشن والی کنگز الیون پنجاب اور ساتویں پوزیشن کی ٹیم راجستھان رائلز جمعہ کو آئی پی ایل کے 50 ویں میچ میں پلے آف میں اپنی امیدوں کو برقرار رکھنے کے ارادے سے میدان میں اتریں گے۔

آئی پی ایل فی الحال اپنے فیصلہ کن مرحلے میں داخل ہوگئی ہے اور ہر میچ ہر ٹیم کے لئے اہم ہوتا جارہا ہے۔ پنجاب مسلسل پانچ میچ جیتنے کے بعد پوائنٹس ٹیبل میں چوتھے نمبر پر پہنچ گیا ہے جبکہ اسی ٹیم نے اپنے پہلے سات میچوں میں صرف ایک میچ جیتا تھا۔ پنجاب نے ٹیبل میں نیچے والی پوزیشن سے حیرت انگیز واپسی کی ہے اور اب وہ چوتھے نمبر پر ہے اور اب ٹیم پلے آف میں جگہ کی تلاش میں ہے۔

پنجاب 12 میچوں میں چھ جیت ، چھ ہار اور 12 پوائنٹس کے ساتھ چوتھے نمبر پر ہے۔ ٹیم کو پلے آف کے لئے باقی دونوں میچ جیتنے ہوں گے۔ راجستھان 12 میچوں میں پانچ جیت ، سات شکست اور 10 پوائنٹس کے ساتھ ساتویں نمبر پر ہے۔


راجستھان کے لئے بقیہ دو میچوں میں کامیابی حاصل کرنا ضروری ہے اور 14 پوائنٹس پر ٹھہر کر پلے آف کے لئے کچھ ٹیموں کے ساتھ مقابلہ کرنے کی امید ہے جہاں نیٹ رن ریٹ ٹیموں کی تقدیر کا تعین کرے گا۔ راجستھان کو نہ صرف اپنے باقی میچ جیتنا ہے بلکہ اپنے رن ریٹ میں بھی نمایاں بہتری لانی ہوگی۔

پنجاب نے اپنے پچھلے میچ میں کولکتہ نائٹ رائیڈرز کو شکست دی تھی جبکہ راجستھان نے ممبئی انڈینز کو آٹھ وکٹوں سے شکست دے کر اپنی امیدوں کو برقرار رکھا تھا۔ راجستھان کے بعد پنجاب اپنا آخری لیگ میچ چنئی سپر کنگز کے ساتھ کھیلے گا اور راجستھان کولکتہ نائٹ رائیڈرز کے خلاف کھیلے گا۔ دونوں میچ اتوار کو کھیلے جائیں گے۔

پنجاب نے اپنے آخری پانچ میچوں میں بنگلور کو آٹھ وکٹ سے ، ممبئی انڈینز کو دوسرے سپر اوور میں ،دہلی کیپٹلز کو پانچ وکٹ سے ، حیدرآباد کو 12 رنز سے اور کولکتہ کو آٹھ وکٹوں سے شکست دی ہے۔ اس فارم کی بنیاد پر پنجاب کو جیتنے کا دعویدار تسلیم کیا جارہا ہے لیکن اس بار ٹورنامنٹ میں بہت سی مساوات تبدیل ہوگئیں اور آخری گیند تک کچھ نہیں کہا جاسکتا۔

پنجاب کے کپتان لوکیش راہل نے کہا کہ میں اور پوری ٹیم بہت خوش ہوں۔ یہ وہ چیز ہے جس کو ہم سب مل کر کرنا چاہتے تھے - گراؤنڈ میں جاکر مثبت کرکٹ کھیلنا۔ ہم سب کو یقین ہے کہ صورت حال ہمارے حق میں ہوسکتی ہے۔ مسلسل پانچ جیت ، یہ پوری ٹیم کی کوشش کا نتیجہ ہے ، یہ صرف ایک شخص کی محنت نہیں ہے۔ بیٹنگ اچھی تھی ، بولنگ بھی اچھی تھی۔ ہم نے پورے ٹورنامنٹ میں بہت اچھی فیلڈنگ کی۔ مجھے خوشی ہے کہ سب کچھ ٹھیک چل رہا ہے اور ہم دو اور میچ جیت سکتے ہیں۔


راجستھان کے کپتان اسٹیون اسمتھ ممبئی کے خلاف آٹھ وکٹ کی جیت سے حوصلہ افزا ہیں اور ان کا خیال ہے کہ اس جیت سے ٹیم کا حوصلہ واپس آگیا ہے۔ اسمتھ نے کہا کہ وہ اس جیت سے بہت خوش ہیں اور ٹیم اس جیت کی تلاش میں ہے۔ انہوں نے کہا کہ میں بہت خوش ہوں۔ ہم اس فتح کی تلاش میں تھے۔ مجھے امید ہے کہ ہمارے بلے بازوں کو اس میچ سے اعتماد ملے گا اور اس سے انہیں مزید میچ جیتنے میں مدد ملے گی۔

راجستھان اور ممبئی کے مابین آخری لیگ میچ 27 ستمبر کو شارجہ میں ہوا تھا جس میں راجستھان نے چار وکٹوں سے کامیابی حاصل کی تھی لیکن اس کے بعد پنجاب کی ٹیم کی فارم اچھی نہیں تھی جب کہ اس وقت پنجاب ٹاپ فارم میں دکھائی دے رہی ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔