IPL: کولکاتا نے 37 رن سے جیتا میچ، راجستھان کے بلے بازوں نے کیا مایوس

آئی پی ایل سیزن 13 کے بارہویں مقابلے میں کولکاتا نائٹ رائیڈرس نے راجستھان رائلز کو بہ آسانی 37 رنوں سے شکست دے دی ہے۔ راجستھان نے کولکاتا کے ذریعہ جیت کے لیے دیے گئے 175 رنوں کے ہدف کا پیچھا کرتے ہوئے 20 اوور میں محض 137 رن بنائے اور اس کے 9 وکٹ آؤٹ ہو گئے۔ راجستھان کی طرف سے صرف ٹام کرن نے اپنی بلے بازوں سے لوگوں کو متاثر کیا جنھوں نے 36 گیندوں پر بغیر آؤٹ ہوئے 54 رنوں کی شاندار پاری کھیلی۔

جے دیو انادکٹ (9 رن) کی شکل میں راجستھان کو نواں جھٹکا لگ گیا ہے۔ اب میچ پوری طرح سے کولکاتا کی گرفت میں نظر آ رہی ہے۔ 18 اوور کے بعد راجستھان کا اسکور 106/9 ہے۔ یعنی 2 اوور میں اسے جیت کے لیے 69 رن درکار ہے۔

جوفرا آرچر کے آؤٹ ہونے کے ساتھ ہی راجستھان کی امیدیں ختم ہوتی ہوئی نظر آ رہی ہیں۔ 15 اوور کے بعد راجستھان نے محض 90 رن بنائے ہیں اور اس کے آٹھ وکٹ آؤٹ ہو چکے ہیں۔ جوفرا 4 گیندوں پر محض 6 رن بنا کر آؤٹ ہوئے۔ انھیں چکرورتی نے ناگرکوٹی کے ہاتھوں کیچ کرایا۔

سنیل نرائن نے راجستھان کو مزید ایک جھٹکا دیتے ہوئے میچ پر کولکاتا کی گرفت مضبوط کر دی ہے۔ نرائن نے گوپال کو 5 رنوں پر پویلین بھیجا۔ اب بلے بازی کرنے جوفرا آرچر اترے ہیں جو کہ تیز بلے بازی کے لیے جانے جاتے ہیں۔ اس وقت راجستھان کا اسکور 14 اوور کے بعد 81 رن پر 7 وکٹ ہے۔

پچھلے میچ میں راجستھان کی جیت کے ہیرو رہے راہل تیوتیا بھی پویلین لوٹ گئے ہیں۔ ورون چکرورتی نے اپنے پہلے اوور کی پانچویں گیند پر انھیں کلین بولڈ کر دیا۔ تیوتیا نے محض 14 رن کا تعاون اپنی ٹیم کو دیا۔ اس وکٹ کے ساتھ کولکاتا نے میچ پر اپنی گرفت مزید مضبوط کر لی ہے۔

راجستھان کی اننگ کا آخری سفر مکمل ہو چکا ہے۔ دس اوور کے بعد ٹیم کا اسکور 5 وکٹ کے نقصان پر 61 رن ہے۔ گویا کہ اگلے دس اوور میں جیت کے لیے انھیں 114 رن بنانے ہیں۔ دوسری طرف کولکاتا کو جیت کے لیے 5 وکٹ کی ضرورت ہے اور اس کی پوزیشن مضبوط نظر آ رہی ہے۔ راجستھان کے لیے اچھی بات یہ ہے کہ پچھلے میچ کے ہیرو راہل تیوتیا کریز پر جمے ہوئے ہیں اور انھوں نے ایک شاندار چھکّا بھی لگا دیا ہے۔

راجستھان کی ٹیم اب پوری طرح سے مشکل میں نظر آ رہی ہے۔ رابن اتھپا کے بعد اسی اوور میں ریان پراگ بھی آؤٹ ہو گئے ہیں۔ یہ دونوں وکٹ ناگرکوٹی نے اپنے پہلے ہی اوور میں لے لیے ہیں۔ اس طرح سے کولکاتا کے 5 وکٹ گر گئے ہیں اور 8 اوور کے بعد اسکور 43 رن ہے۔ میچ کولکاتا کی گرفت میں جاتی ہوئی معلوم پڑ رہی ہے۔

آئی پی ایل سیزن 13 میں اب تک خراب کارکردگی کا مظاہرہ کرنے والے رابن اتھپا ایک بار پھر جلدی آؤٹ ہو گئے ہیں۔ انھوں نے محض 2 رن بنائے اور کملیش ناگرکوٹی کی پہلی گیند پر پویلین لوٹ گئے۔ اس طرح سے راجستھان کی ٹیم کو چوتھا جھٹکا لگ گیا ہے اور کولکاتا کی ٹیم میں خوشی کی لہر ہے۔

کولکاتا کے گیندباز بہترین گیندبازی کا مظاہرہ کر رہے ہیں اور شروع کے تین بلے باز پویلین لوٹ چکے ہیں۔ تیسرا جھٹکا شیوم ماوی نے جوس بٹلر کی شکل میں دیا ہے جو خطرناک نظر آ رہے تھے اور 16 گیندوں پر 21 رن بنائے۔ اس وقت میدان میں اتھپا اور ریان موجود ہیں۔

آئی پی ایل سیزن 13 میں اب تک خطرناک بلے بازی کرتے ہوئے نظر آئے راجستھان کے بلے باز سنجو سیمسن سستے میں آؤٹ ہو گئے ہیں۔ کولکاتا کے گیندباز شیوم ماوی نے انھیں محض 8 رنوں کے انفرادی اسکور پر سنیل نرائن کے ہاتھوں کیچ کرایا۔ ابھی پانچواں اوور چل رہا ہے اور راجستھان کے دو وکٹ آؤٹ ہو گئے ہیں اور رن 31 بنے ہیں۔

کولکاتا کو دوسرے ہی اوور میں ایک بڑی کامیابی مل گئی ہے۔ راجستھان کے کپتان اسٹیو اسمتھ محض 3 رن بنا کر پویلین لوٹ گئے ہیں۔ کولکاتا کا خیمہ اس وکٹ کو حاصل کر بہت خوش ہے اور پیٹ کمنس کو یہ وکٹ ہاتھ لگی ہے۔ دو اوور کے بعد راجستھان کا اسکور ایک وکٹ کے نقصان پر 15 رن ہے۔ قابل غور بات یہ ہے کہ پہلے ہی اوور میں 12 رن بن گئے تھے، یعنی دوسرے اوور میں محض 3 رن بنے اور ایک وکٹ بھی آؤٹ ہوا۔

آخر کے اووروں میں ایان مورگن کی بہترین بلے بازی کی بدولت کولکاتا نائٹ رائیڈرس نے راجستھان رائلز کے سامنے جیت کے لیے 175 رنوں کا ہدف دیا ہے۔ ایان مورگن نے 23 گیندوں پر 2 چھکوں اور 1 چوکا کی مدد سے ناٹ آؤٹ 34 رن بنائے۔ دوسری طرف ناگرکوٹی 5 گیندوں پر 8 رن بنا کر ناٹ آؤٹ رہے۔

کولکاتا کو پیٹ کمنس کی شکل میں ایک بڑا جھٹکا لگا ہے۔ تام کرن نے انھیں 12 رن کے انفرادی اسکور پر سنجو سیمسن کے ہاتھوں کیچ آؤٹ کرایا۔ اس وقت کولکاتا نے 19 اوور میں 6 وکٹ کے نقصان پر 158 رن بنائے ہیں۔

راجستھان کے خلاف کولکاتا بڑا اسکور کھڑا کرنا چاہتا ہے لیکن لگاتار وکٹ گرنے کی وجہ سے اس کی رفتار کچھ دھیمی ہو گئی ہے۔ اس وقت کولکاتا کی نصف ٹیم پویلین لوٹ چکی ہے اور آندرے رسل بھی 24 رن بنا کر آؤٹ ہو چکے ہیں۔ 15 اوور کے بعد کولکاتا کا اسکور 120 رن پر 5 وکٹ ہے۔ باقی کے 5 اوور میں اسے تیزی سے رن بنانے ہوں گے تاکہ راجستھان کو بڑا ہدف دے سکے۔

کولکاتا اس وقت کچھ مشکل میں نظر آ رہی ہے۔ ایک طرف تو 47 رن بنا کر اچھی بلے بازی کر رہے شبمن گل جوفرا آرچر کی گیند پر آؤٹ ہو گئے، اور پھر اس کے بعد کپتان دنیش کارتک بھی محض ایک رن بنا کر جوفرا کا شکار بن گئے۔ 14 اوور کے بعد کولکاتا کا اسکور 108 رن پر 4 وکٹ ہو گئے ہیں۔ کولکاتا کے لیے اچھی بات یہ ہے کہ آندرے رسل میدان پر موجود ہیں۔

راجستھان نے کولکاتا کو نتیش رانا کی شکل میں دوسرا جھٹکا دے دیا ہے۔ تیوتیا نے رانا کو 22 رن کے اسکور پر آؤٹ کیا۔ 10 اور کے بعد کولکاتا کا اسکور 82 رن ہو چکا ہے اور اس کے دو وکٹ آؤٹ ہوئے ہیں۔ شبمن گل بہترین بلے بازی کر رہے ہیں اور نصف سنچری کے قریب پہنچ گئے ہیں۔ میدان پر نئے بلے باز آندرے رسل آئے ہیں جو رنوں کی رفتار تیز کرنے کی بھرپور صلاحیت رکھتے ہیں۔

کولکاتا کے بلے بازوں نے رنوں کی رفتار تیز کرنے کا سلسلہ شروع کر دیا ہے۔ شبمن گل اور نتیش رانا بہت اچھی بلے بازی کر رہے ہیں 3 اوور میں جو اسکور 14 رن تھا اب 7 اوور کے بعد 52 رن تک پہنچ گیا ہے۔ گویا کہ آخری 4 اوور میں 38 رن بنے ہیں اور سنیل نرائن کی شکل میں ایک وکٹ کا نقصان ہوا ہے۔

کچھ اچھے شاٹ لگانے کے بعد کولکاتا کے سلامی بلے باز سنیل نرائن پویلین لوٹ گئے ہیں۔ انھوں نے 14 گیندوں میں ایک چھکّا اور دو چوکے کے ساتھ 15 رن بنائے۔ دوسری طرف شبمن گل 16 گیندوں میں 19 رن بنا کر کھیل رہے ہیں۔ ان کا ساتھ دینے کے لیے نتیش رانا میدان میں آئے ہیں۔ سنیل نرائن کو جے دیو انادکٹ نے بولڈ آؤٹ کیا۔

کولکاتا کے سلامی بلے باز شبمن گل اور سنیل نرائن راجستھان کے خلاف سنبھل کر کھیل رہے ہیں۔ 3 اوور میں انھوں نے محض 14 رن بنائے ہیں، لیکن چوتھے اوور میں دو چوکا لگنے سے رنوں کی رفتار کچھ تیز ہوئی ہے۔

کولکاتا نائٹ رائیڈرس اور راجستھان رائلز دونوں ٹیموں کے کپتانوں نے اپنے پچھلے میچ کے گیارہ کھلاڑیوں کو برقرار رکھنے کا فیصلہ کیا ہے۔ دیکھنا یہ ہے کہ کیا آج ایک بار پھر پچھلے میچ میں راجستھان کی جیت کے ہیرو رہے راہل تیوتیا کی طوفانی بلے بازی کا نظارہ ہوگا۔

آئی پی ایل 2020 کے 12ویں مقابلے میں آج کولکاتا نائٹ رائیڈرس اور راجستھان رائلز کی ٹیم آمنے سامنے ہے۔ راجستھان کے کپتان اسٹیو اسمتھ نے ٹاس جیت کر کارتک بریگیڈ کو پہلے بلے بازی کے لیے کہا ہے۔ اس میچ میں راجستھان کے کپتان اسٹیو اسمتھ جیت کی ہیٹ ٹرک لگانے کے ارادے سے اتریں گے جب کہ کولکاتا مزید 2 پوائنٹ حاصل کر ٹیبل میں اپنی پوزیشن اوپر کرنے کی کوشش کرے گی۔