چنئی سپر کنگز کا سیم کیرن کے متبادل کے طور پر ڈومینک ڈریکس سے معاہدہ

سابق ویسٹ انڈیز کرکٹر واسبرٹ کے بیٹے ڈریکس سینٹ کٹس اینڈ نیوس پیٹریاٹس ٹیم کے اسٹار گیند بازوں میں سے ایک ہے، جنہوں نے حال ہی میں کیریبیائی پریمیئر لیگ (سی پی ایل) 2021 کا خطاب جیتا تھا۔

آئی پی ایل، تصویر آئی اے این ایس
آئی پی ایل، تصویر آئی اے این ایس
user

یو این آئی

دبئی: تین بار آئی پی ایل جیتنے والی چنئی سپر کنگز (سی ایس کے) نے بدھ کے روز باقی آئی پی ایل 2021 سیزن کے لئے چوٹ کی وجہ سے ٹورنامنٹ سے باہر ہوئے سیم کیرن کے متبادل کے طور پر بارباڈین تیز گیند باز ڈومینک ڈریکس کو سائن کیا ہے۔

سمجھا جاتا ہے کہ ڈریک پہلے ہی آئی پی ایل کے بائیو ببل میں ہے۔ انہیں ممبئی انڈینز نے بطور نیٹ بولر منتخب کیا۔ سابق ویسٹ انڈیز کرکٹر واسبرٹ کے بیٹے ڈریکس سینٹ کٹس اینڈ نیوس پیٹریاٹس ٹیم کے اسٹار گیند بازوں میں سے ایک ہے، جنہوں نے حال ہی میں کیریبیائی پریمیئر لیگ (سی پی ایل) 2021 کا خطاب جیتا تھا۔ انہوں نے اپنی سی پی ایل 2021 مہم 16 وکٹوں کے ساتھ مکمل کی۔ وہ ٹورنامنٹ میں سب سے زیادہ وکٹیں لینے والے چوتھے گیند باز رہے۔ 23 سالہ گیند باز کا سی پی ایل 2021 میں سب سے اہم تعاون بلے سے آیا تھا، جب انہوں نے فائنل میں 24 گیندوں پر ناٹ آؤٹ 48 رنز بنائے تھے۔


واضح رہے کہ اس سے قبل بدھ کی سہ پہر سی ایس کے کی جانب سے بقیہ میچوں کے لیے متبادل کھلاڑیوں کا مطالبہ کئے جانے کی خبریں آئی تھیں اور بی سی سی آئی کی جانب سے فرنچائز اپنے آخری میچ سے قبل ایک متبادل کھلاڑی کو منتخب کرنے کی مانگ کرسکتی ہے اور چنئی کا آخری میچ آج دوپہر پنجاب کنگز کے خلاف ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔