امریکہ: معیشت کے لئے بائیڈن کی 19 کھرب ڈالر کے راحت پیکج کی تجویز

امریکہ کے نو منتخب صدر جو بائیڈن نے جمعرات کو کورونا وائرس وبا سے بری طرح متاثر امریکی معیشت کو مضبوط بنانے میں مدد کرنے کے مقصد سے 19 کھرب ڈالر کا ترغیبی منصوبہ پیش کیا

امریکہ کے نو منتخب صدر جو بائیڈن / Getty Images
امریکہ کے نو منتخب صدر جو بائیڈن / Getty Images
user

یو این آئی

واشنگٹن: امریکہ کے نو منتخب صدر جو بائیڈن نے جمعرات کو کورونا وائرس وبا سے بری طرح متاثر امریکی معیشت کو مضبوط بنانے میں مدد کرنے کے مقصد سے 19 کھرب ڈالر کا ترغیبی منصوبہ پیش کیا۔ اگر پارلیمنٹ اس پیکج کو منظور کرتی ہے تو اس میں ایسے گھروں کے لئے10 کھررب ڈالر کا التزام ہوگا جس کے تحت تمام امریکیوں کو براہ راست 1400 ڈالر کی ادائیگی کی جائے گا۔

امدادی تجویز میں اس وبا سے نمٹنے کے لئے 415 ارب ڈالر اور سب سے زیادہ متاثرہ چھوٹے کاروباروں کے لئے 440 ارب ڈالر فراہم کرنے کا بھی التزام ہے۔ بائیڈن نے اپنے پیش رو صدر ڈونلڈ ٹرمپ کے مقابلے وائرس سے بہتر طریقے سے نمٹنے کا عزم کیا ہے۔


یہ نئی تجاویز ایک ایسے وقت میں سامنے آئی ہیں جب سردیوں کے دوران کورونا وائرس کے معاملات میں نمایاں اضافہ دیکھنے میں آرہا ہے اور اس نے پچھلا ریکارڈ توڑ دیا ہے۔ بائیڈن نے یہ بھی کہا کہ وہ ایک ملک گیر ویکسی نیشن پروگرام شروع کرنا چاہتے ہیں جس میں بڑے پیمانے پر ویکسی نیشن مراکز قائم کرنا اور دور دراز کے علاقوں میں موبائل یونٹیں بھیجنا بھی شامل ہے اور اس کے لئے 20 ارب مختص کرنے کی تجویزپیش کرتے ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔