فرانس: ٹرین کی ٹکر سے 3 تارکین وطن ہلاک

سینٹ جین ڈی لوز کے علاقے میں ٹرین گزرنے کے وقت پٹری پر 4 تارکین وطن لیٹے تھے، ٹرین کی ٹکر سے 3 تارکین وطن موقع پر ہی ہلاک جبکہ ایک شدید زخمی ہوگیا۔

علامتی فائل تصویر یو این آئی
علامتی فائل تصویر یو این آئی
user

یو این آئی

پیرس: فرانس میں ایک ٹرین کی ٹکر سے 3 تارکین وطن ہلاک ہوگئے۔ فرانسیسی خبر رساں ایجنسی کے مطابق فرانس کے جنوب مغربی علاقے میں ٹرین کی ٹکر سے 3 تارکین وطن ہلاک ہوگئے۔ پولیس کے مطابق سینٹ جین ڈی لوز کے علاقے میں ٹرین گزرنے کے وقت پٹری پر 4 تارکین وطن لیٹے تھے، ٹرین کی ٹکر سے 3 تارکین وطن موقع پر ہی ہلاک جبکہ ایک شدید زخمی ہوا ہے۔

پولیس کا کہنا ہے کہ 2 تارکین وطن الجزائر کے شہری ہیں جبکہ باقی 2 کی قومیت معلوم نہیں ہوسکی ہے۔ اس کے علاوہ پولیس کے مطابق ان افراد کے پٹری پر لیٹنے کی وجہ ابھی واضح نہیں ہوئی۔ خیال رہے دو روز قبل فرانس میں تارکین وطن کے ساتھ انتہائی ناروا سلوک کے بارے میں رپورٹ منظر عام آئی تھی۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔