’ٹرمپ کے خلاف حتمی فتح ہماری ہوگی‘ ایوان نمائندگان کی اسپیکر نینسی پیلوسی کا بیان

امریکی ایوان نمائندگان کی اسپیکر نینسی پیلوسی نے پریس کانفرنس میں کہا کہ منتخب جوبائیڈن کو حکومت کرنے کا بھاری مینڈیٹ حاصل ہوچکا ہے۔

’ٹرمپ کے خلاف حتمی فتح ہماری ہوگی‘ ایوان نمائندگان کی اسپیکر نینسی کا بیان
’ٹرمپ کے خلاف حتمی فتح ہماری ہوگی‘ ایوان نمائندگان کی اسپیکر نینسی کا بیان
user

قومی آوازبیورو

واشنگٹن: امریکی ایوان نمائندگان کی اسپیکر نینسی پیلوسی نے امریکی انتخابات کے نتائج پر تبصرہ کرتے ہوئے کہا ہے کہ ڈیموکریٹس نے ڈونالڈ ٹرمپ کے خلاف تمام محاذوں پر کامیابی حاصل نہیں کی، تاہم انہوں نے آخری معرکہ سر کر لیا ہے۔ پیلوسی نے ڈیموکریٹک صدارتی امیدوار جو بائیڈن کو "منتخب صدر" قرار دیتے ہوئے اس بات پر زور دیا کہ وہ امریکی عوام کو متحد کرنے کے لیے پرعزم ہیں۔

نینسی پیلوسی نے بائیڈن اور نائب صدر کملا ہیریس کے بارے میں کہا کہ آج صبح یہ واضح تھا کہ بائیڈن ہیرس کی جوڑی وائٹ ہاؤس میں کامیابی حاصل کرے گی۔ انہوں نے پریس کانفرنس میں کہا کہ منتخب جوبائیڈن کو حکومت کرنے کا بھاری مینڈیٹ حاصل ہوچکا ہے۔ انہوں‌ نے دعویٰ‌ کیا کہ جو بائیڈن کو امریکی تاریخ میں سب سے زیادہ اور نمایاں پوائنٹس کے ساتھ کامیابی حاصل ہوئی ہے۔


نینسی پیلوسی نے امریکیوں سے ووٹ کی گنتی ختم ہونے تک پرسکون اور صبر سے کام لینے پر زور دیا۔ انہوں نے تمام ووٹوں کی گنتی کی ضرورت پر زور دیتے ہوئے کہا کہ ہمارے ملک میں ووٹ ڈالنے کا حق ایک مقدس حق ہے اور ووٹوں کی گنتی ہماری جمہوریت کی اساس ہے۔ انہوں نے اس بات پر زور دیا کہ ڈیموکریٹس یکے بعد دیگرے فتوحات حاصل کر رہے ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔