انڈونیشیا میں بھوتوں سے ڈرا کر لاک ڈاؤن مؤثر بنانے کے لئے انوکھا حربہ

انڈونیشیا میں کرونا وائرس تیزی سے پھیل رہا ہے۔ وزارت صحت کے مطابق کرونا سے ملک بھر میں چار ہزار پانچ سو سے زائد افراد متاثر ہوئے ہیں اور اب تک 399 اموات ہوئی ہیں۔

تصویر سوشل میڈیا
تصویر سوشل میڈیا
user

قومی آوازبیورو

انڈونیشیا کے ایک گاؤں میں کرونا لاک ڈاوُن کو مزید مؤثر بنانے اور لوگوں کو گھروں تک محدود کرنے کے لیے نوجونوں کے ایک گروپ نے خوفناک بھوت نما رضاکار سڑکوں پر اتار دیئے ہیں۔

مقامی ذرائع ابلاغ کے مطابق آبادی کے لحاظ سے چوتھے بڑے ملک کے صوبے جاوا کے ایک کے پووح نامی گاوُں میں لوگوں کی جانب سے بار بار لاک ڈاوُن کی خلاف ورزی کرنے پر نوجوانوں کے ایک گروپ نے بھوت رضاکار سڑک کے کنارے موجود بینچوں پر بیٹھا دیئے۔


کفن پوش نما بھوت رضاکاروں نے اپنے آپ کو سر تا پیر سفید چادر سے لپیٹا ہوا ہوتا ہے اور یہ کفن پوش رضاکار اندھیرے میں سنسان مقامات پر کھڑے ہو جاتے ہیں، جب رات میں کوئی فرد گھر سے باہر نکلتا ہے تو وہ اچانک گھروں سے باہر نکلنے والے لوگوں کے سامنے آکھڑے ہوتے ہیں، جس سے وہ لوگ خوفزدہ ہوکر بھاگنے پر مجبور ہوجاتے ہیں۔

انڈونیشیا میں کرونا وائرس تیزی سے پھیل رہا ہے۔ وزارت صحت کے مطابق کرونا سے ملک بھر میں چار ہزار پانچ سو سے زائد افراد متاثر ہوئے ہیں اور اب تک 399 اموات ہوئی ہیں۔

(العربیہ ڈاٹ نیٹ)

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔