پابندیوں سے روس کے 3 سو ارب ڈالرز کے ذخائر منجمد

روسی وزیر خزانہ کا کہنا تھا کہ مغرب چین پر بھی روس سے تجارت محدود کرنے کے لیے دباؤ ڈال رہا ہے، مغربی دباؤ کے باوجود چین کے ساتھ شراکت داری ہمارے تعاون کو برقرار رکھے گی۔

روسی جھنڈا، تصویر آئی اے این ایس
روسی جھنڈا، تصویر آئی اے این ایس
user

یو این آئی

ماسکو: یوکرین کی جنگ کے حوالہ سے روسی وزیر خزانہ نے کہا ہے کہ عالمی پابندیوں کے باعث اس کے 300 ارب ڈالر سے زائد کے اثاثے منجمد کر دیئے گئے ہیں۔ روسی وزیر خزانہ کا کہنا تھا کہ مغرب چین پر بھی روس سے تجارت محدود کرنے کے لیے دباؤ ڈال رہا ہے، مغربی دباؤ کے باوجود چین کے ساتھ شراکت داری ہمارے تعاون کو برقرار رکھے گی۔

روسی وزیر خزانہ نے کہا کہ روس-چین کے ساتھ تعاون وہاں بھی بڑھایا جائے گا جہاں مغربی مارکیٹیں بند ہیں۔ روسی وزیرخزانہ نے کہا کہ روس اپنی ریاست کے قرض کی ذمہ داریاں پوری کرے گا۔ یوکرین کے شہر لوویو کے فوجی اڈے پر روسی فوج کے فضائی حملوں میں 9 افراد ہلاک اور 57 زخمی ہوگئے۔ یہ شہر پولینڈ کی سرحد سے 20 کلومیٹر کے فاصلے پر ہے۔


یوکرین کے وزیر دفاع اولیکسی رزنیکوف کے مطابق لیوویو کے ملٹری بیس میں غیر ملکی انسٹرکٹر بھی موجود تھے۔ یوکرین کے وزیر دفاع کا کہنا ہے کہ روس نے امن و سلامتی کے بین الاقوامی مرکز پر رات گئے حملہ کیا، جہاں غیرملکی انسٹرکٹر کام کرتے ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔