برطانیہ میں کورونا کی دوسری نئی قسم سےدہشت، لاک ڈاؤن سخت،جنوبی افریقہ کی پروازیں روکیں

برطانیہ میں کورونا کےایک اور نئےقسم کے پتہ لگنے سے وہاں دہشت پھیل گئی ہے اور کہا جارہا ہے کہ یہ نئی اقسام جنوبی افریقہ سے آئی ہیں کیونکہ یہ ان مریضوں میں پائی گئی ہیں جو جنوبی افریقہ سےواپس لوٹے تھے۔برطانیہ کے وزیر صحت میٹ ہیکناک نے بدھ کو یہ اطلاع دی ہے۔ انہوں نے یہ خدشہ ظاہر کیاہے کہ کورونا کی یہ نئی قسم زیادہ تیزی سےپھیلنے والی اوراپنی شکل بدلنے والی ہے۔برطانیہ کے محکمہ صحت نے حال ہی میں بتا یا تھا کہ کورونا وائرس کی ایک بدلی ہوئی قسم کاپتہ لگاہے جو اس وبا کے تیزی سے پھیلنے کی وجہ ہو سکتی ہے۔

برطانیہ میں اب جنوبی افریقہ سے آئے کورونا کےایک اور نئے اقسام کے پتہ لگنے کے بعد خوف کاماحول پیدا ہوگیا ہےاور اس وبا کے مزیدتیزی سے پھیلنےکا خوف منڈرانے لگا ہے۔وزیر صحت نے دس ڈاؤننگ اسٹریٹ کو بریفنگ دیتے ہوئے کہا ہے کہ کورونا کےدونوں نئےاقسام ان لوگوں میں پائے گئے ہیں جو پچھلے کچھ ہفتوں کے دوران جنوبی افریقہ سے واپس لوٹے ہیں۔ انہوں نے کہا کہ کورونا کی یہ نئی قسم زیادہ تشویش پیدا کرنےوالی ہے۔

اس خبر کے بعد برطانیہ نے جنوبی افریقہ کی پروازوں پرروک لگادی ہے اور ان لوگوں سےخود کو فورا کوارنٹائن کرنےکےلئے کہاہے جو جنوبی افریقہ سے ہوکر آئےہوں یا پھر پندرہ روز میں وہاں سےآئے لوگوں سےرابطہ میں آئے ہوں۔

واضح رہے جب سے کورونا کی پہلی نئی قسم کا پتہ لگا تھا اسی وقت سے ہندوستان سمیت کئی ممالک نے برطانیہ سے آنے والی پروازوں پرروک لگا دی تھی۔برطانیہ میں لاک ڈاؤن کو مزید سخت کردیا گیا ہے۔