بوکو حرام کی تحویل سے 32 یرغمالیوں کو چھڑایا
فوج نے صوبہ بورنو سے منسلک باما اور دامبوا علاقوں میں بوکو حرام کے خلاف کاروائیاں کیں جس میں 10 خواتین اور 22 بچوں کو دہشت گردوں کے چنگل سے چھڑا لیا گیا۔
نائجیریا میں فوج نے صوبہ بورنو سے منسلک باما اور دامبوا علاقوں میں بوکو حرام کے خلاف کاروائیاں کرتے ہوئے بوکو حرام کی تحویل میں رہنے والے 32 یرغمالیوں کو بازیاب کرایا ہے۔
ترکی میڈیا کی رپورٹ کے مطابق مغربی افریقی ملک نائجیریا کے شمال مشرق میں دہشت گرد تنظیم بوکو حرام کی جانب سے یرغمال بنائے گئے 32 خواتین اور بچوں کو بازیاب کرا لیا گیا ہے۔
وزارتِ دفاع کے قائمقام ترجمان برنارڈ اونیے کو نے کہا ہے کہ فوج نے صوبہ بورنو سے منسلک باما اور دامبوا علاقوں میں بوکو حرام کے خلاف کاروائیاں کیں۔اس دوران 10 خواتین اور 22 بچوں کو دہشت گردوں کے چنگل سے چھڑا لیا گیا۔
آپریشن کے دوران 28 دہشت گردوں کو حراست میں لیے جانے کا بھی ذکر کرنے والے ترجمان نے بتایا کہ لاجسٹک سازو سامان کو تباہ کر دیا گیا ہے تو دہشت گردوں کے زیر استعمال گاڑیوں، موٹر سائیکلوں اور بھاری مقدار میں اسلحہ پر قبضہ کر لیا گیا ہے۔دریں اثنا مذکورہ یرغمالیوں کے کس وقت اغوا کیے جانے کے بارے میں کوئی آگاہی نہیں کرائی گئی۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔