زلزلہ سے متاثر شام پر اسرائیل کا حملہ، حلب میں ایئرپورٹ کا رن وے تباہ، خدمات معطل

شامی شہر حلب کے بین الاقوامی ہوائی اڈے پر اسرائیلی فضائی حملے میں ایئرپورٹ کا رن وے تباہ ہو گیا اور اس پر آپریشنل سروسز معطل کر دی گئی ہیں

<div class="paragraphs"><p>تصویر سوشل میڈیا</p></div>

تصویر سوشل میڈیا

user

قومی آوازبیورو

حلب: شامی شہر حلب کے بین الاقوامی ہوائی اڈے پر اسرائیلی فضائی حملے میں ایئرپورٹ کا رن وے تباہ ہو گیا اور اس پر آپریشنل سروسز معطل کر دی گئی ہیں۔ یہ اطلاع شام کی سرکاری خبر رساں ایجنسی (سانا) نے دی۔ ایجنسی کے مطابق اسرائیل کی جانب سے منگل (7 مارچ) کی صبح میزائلوں سے حملہ کیا گیا۔

ایک فوجی ماخذ کا حوالہ دیتے ہوئے سانا نے بتایا کہ اسرائیل نے لاتاکیا کے مغرب میں بحیرہ روم کی سمت سے ہوائی حملہ کیا اور حلب بین الاقوامی ہوائی اڈے کو نشانہ بنایا۔ حملے کے نتیجے میں ایئر پورٹ کو مادی نقصان پہنچا اور یہاں پر خدمات کو معطل کر دیا گیا۔

خیال رہے کہ شام کی جنگ میں بڑے پیمانے پر تباہی کا شکار بننے والے حلب شہر میں گذشتہ ماہ جنوبی ترکی اور شمال مغربی شام کو پہنچنے والے مہلک 7.8 شدت کے زلزلے کے سبب ایک بار پھر بہت نقصان پہنچا تھا۔ اس کے بعد متعدد ممالک نے شہر کے ایئرپورٹ پر امداد کی ترسیل بھیجی ہے۔


سرکاری میڈیا کے مطابق شامی وزارت ٹرانسپورٹ نے ایک بیان میں کہا کہ اسرائیلی جارحیت کے بعد انسانی امداد والی پروازوں سمیت تمام مقررہ پروازوں کا رخ دمشق اور لتاکیہ کی جانب موڑ دیا گیا ہے۔ آخری اطلاع موصول ہونے تک اسرائیلی عہدیداروں کی طرف سے کوئی تبصرہ نہیں کیا گیا تھا۔

شام کے ریاستی نیوز کے مطابق 19 فروری کو بھی اسرائیل نے فضائی حملوں سے دمشق میں رہائشی علاقوں کو نشانہ بنایا تھا، جس میں کم از کم 5 افراد ہلاک اور 15 زخمی ہوگئے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔