روس سے آئی خوشخبری، چند دنوں بعد ہوگا انسانوں پر کووڈ-19 ٹیکے کا تجربہ

روس کی وزارت دفاع نے بتایا کہ کورونا وائرس ٹیکے کا تجربہ کرانے کے لئے تیار لوگوں (والنٹیر) کی آئسولیشن مدت کے دو ہفتوں میں ختم ہونے کے بعد ان پر تجربہ کیا جائے گا۔

تصویر سوشل میڈیا
تصویر سوشل میڈیا
user

قومی آوازبیورو

کورونا انفیکشن کے قہر سے پوری دنیا پریشان ہے۔ حیرانی کی بات یہ ہے کہ گزشتہ تقریباً 6 مہینے میں چین، امریکہ، اٹلی سمیت دنیا کے تقریباً سبھی ممالک کو اس مہلک وبا نے پریشان کر رکھا ہے، لیکن ابھی تک اس کا علاج دریافت نہیں ہو سکا ہے۔ کئی ممالک کے سائنسداں اور ماہرین نے ویکسین تیار ہونے کا دعویٰ کیا ہے لیکن انسان پر تجربہ اور پھر مارکیٹ میں آنے کا عمل تاخیر طلب معلوم ہو رہا ہے۔ اس درمیان روس سے ایک اچھی خبر آ رہی ہے کہ چند دنوں بعد یہاں ویکسین یعنی ٹیکہ کا تجربہ انسانوں پر کیا جائے گا۔

خبر رساں ادارہ یو این آئی کے ذریعہ موصولہ اطلاعات کے مطابق روس کی وزارت دفاع نے ٹیکہ کا تجربہ انسانوں پر بہت جلد کیے جانے کی اطلاع دی ہے۔ وزارت نے بتایا کہ کورونا وائرس ٹیکے کا تجربہ کرانے کے لئے تیار لوگوں (والنٹیر) کی آئسولیشن مدت کے دو ہفتوں میں ختم ہونے کے بعد ان پر تجربہ کیا جائے گا۔ وزارت نے مزید کہا کہ ’’روسی وزارت گامالیا نیشنل ریسرچ سینٹر فار ایپیڈیولاجی اینڈ مائیکرو بایولوجی کے ساتھ مشترکہ طور پر کورونا وائرس انفیکشن کے خلاف روسی ٹیکے کی والنٹیرس پر کلینکل تجربے کی تیاری مکمل کر رہی ہے‘‘۔


موصولہ خبروں کے مطابق روس کی وزارت دفاع کا کہنا ہے کہ آئندہ دو ہفتوں کا آئسولیشن پورا ہونے کے بعد والنٹیرس کے پہلے گروپ میں ٹیکہ کاری کی جائے گی۔ اس ٹیکہ کاری یعنی جانچ کا اہم مقصد ٹیکہ کے کانپونینٹس کی حفاظت اور اس کے اثرات کی جانچ کرنا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


Published: 16 Jun 2020, 4:11 PM