’الجزیرہ‘ کی خاتون صحافی کے جنازے پر اسرائیلی بربریت، یوروپی یونین نے کی شدید مذمت

جوزپ بوریل نے کہا کہ یوروپین یونین ماتمی جلوس کے شرکاء کے خلاف طاقت کے غیر مناسب استعمال اور اسرائیلی پولیس کی طرف سے ہتک آمیز رویہ کی مذمت کرتی ہے۔

’الجزیرہ‘ کی مقتول خاتون صحافی شیریں ابو العاقلہ
’الجزیرہ‘ کی مقتول خاتون صحافی شیریں ابو العاقلہ
user

یو این آئی

بروسیلز: یوروپی یونین نے ’الجزیرہ‘ کی مقتول خاتون صحافی کے جنازے کے جلوس پر اسرائیلی بربریت کی شدید الفاظ میں مذمت کی ہے۔ یوروپین یونین کی جانب سے خارجہ امور کے سربراہ جوزپ بوریل نے کہا کہ یوروپین یونین مقبوضہ مشرقی یروشلم میں امریکی فلسطینی صحافی شیریں ابو العاقلہ کے جنازے کے جلوس کے دوران سامنے آنے والے مناظر سے حیران ہے۔

جوزپ بوریل نے کہا کہ یوروپین یونین ماتمی جلوس کے شرکاء کے خلاف طاقت کے غیر مناسب استعمال اور اسرائیلی پولیس کی طرف سے ہتک آمیز رویہ کی مذمت کرتی ہے۔ انہوں نے کہا کہ ’کسی جنازے کو پر امن الوداع کی اجازت نہ دینا اور سوگواروں کو بغیر کسی ایذاء اور تذلیل کے سکون سے غمگین نہ ہونے دینا، کم سے کم انسانی احترام ہے۔‘


یوروپین خارجہ امور کے سربراہ جوزپ بوریل نے اس موقع پر یونین کی جانب سے مطالبہ کیا کہ ’’یورپین یونین اسرائیل سے ایک مکمل اور آزادانہ تحقیقات کے اپنے مطالبے کا اعادہ کرتی ہے کہ شیریں ابوالعاقلہ کی موت کی تحقیقات کر کے ان کے قتل کے ذمہ داروں کو انصاف کے کٹہرے میں لایا جائے۔‘‘

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔