یورپ نے اپنے وعدے وفا نہیں کئے: ایران

تہران: ایران نےیورپ پر مشترکہ جامع ایکشن پلان (جے سی پی او اے) کے تحت اپنے وعدوں کو پورا نہیں کرنے کا الزام عائد کیا ہے۔ مقامی نیوز ایجنسی ارنا نے ایران کے وزیر خارجہ جواد ظریف کے حوالے سے بدھ کو کہا کہ یورپ اپنی ذمہ داری کو پورا کرنے میں ناکام رہا ہے۔

اس درمیان سرکاری ترجمان پرویز اسماعیل نے بتایا کہ ایران کے صدر ڈاکٹر حسن روحانی کو جمعرات تک جے سی پی او اے سے جڑے یورپی ممالک کے ساتھ کسی قسم کی بات چیت کی امید نہیں ہے۔ انہوں نے ٹوئٹ کرکے کہا کہ روحانی نے ایک سرکاری میٹنگ میں کہا کہ ’’مجھے لگتا ہے کہ ہم آج یا کل تک یورپ کے ساتھ بات چیت میں کسی نتیجے تک نہیں پہنچ سکیں گے۔‘‘

اسماعیل نے بتایا کہ روحانی نے یہ بھی کہا کہ جے سی پی او اے پر ایران کے تیسرے جوابی اقدام کے تحت خصوصی طور پر ایسے اہم تدابیر کئے جائیں گے جس سے ایران نیوکلیائی انرجی کی سرگرمیوں میں اضافہ ہوگا۔

ایران، چین، فرانس، جرمنی،روس، برطانیہ، امریکہ اور یورپی یونین نے سال 2015 میں جے سی پی او پر دستخط کئے تھے۔ اس کے تحت ایران کو پابندیوں میں چھوٹ حاصل کرنے کے لئے اپنے نیوکلیائی پرگرام کو واپس لینا تھا اور یورنیم کے اپنے ذخیرے میں زبردست کمی لانے کی شرطوں کا تسلیم کرنا تھا۔