ماحولیاتی تبدیلی، عالمی امن کے لئے نیا خطرہ: گوٹیرس

اقوام متحدہ: اقوام متحدہ کے سکریٹری جنرل اینٹینو گوٹیرس نے کہا ہے کہ ماحولیات میں تبدیلی عالمی امن کے خلاف نیا خطرہ ہے اور ماحولیات میں بہتری کے لئے فوری اقدام کیے جانے کی ضرورت ہے۔

امریکہ کے نیویارک میں واقع اقوام متحدہ کے ہیڈکوارٹر میں 21 ستمبر کو ورلڈ پیس ڈے کے موقع پر منعقد سالانہ امن اجلاس کے دوران گوٹیرس نے کہا کہ ’’ماحولیاتی ایمرجنسی آج امن کے لئے نیا چیلنج ہے جو ہماری سلامتی، ذریعہ معاش اور زندگی کے لئے بڑا خطرہ ہے۔‘‘

تقریباً 700 اسکول کے طالب علموں کے ساتھ بات چیت کے دوران انہوں نے کہا کہ ’’امن کا مطلب صرف لوگوں تک ہی محدود نہیں ہے بلکہ اس کا مطلب لوگوں اور زمین کے درمیان ہے۔ ہم نے فطرت کے خلاف جنگ چھیڑ رکھی ہے۔

گوٹیرس نے کہا کہ ماحولیات میں تبدیلی بین الاقوامی امن اور سلامتی کے لئے بڑا خطرہ ہے۔ لوگوں کے آپس میں جدوجہد کے مقابلے ماحولیات میں تبدیلی کی وجہ سے تین گنا قدرتی آفات میں اضافہ ہوا ہے۔ جس کا لاکھوں لوگوں پر اثرات مرتب ہوئے ہیں۔

اس سے پہلے جمعہ کی صبح گوٹیرس نے اقوام متحدہ کے ہیڈکوارٹر میں لگی ’پیس بیل‘ بجا کر یوم امن کی تقریب کی ابتدا کی تھی اور ایک منٹ تک خاموش بھی رہے تھے۔ انہوں نے اس دوران یہ بھی کہا تھا کہ ’’ہم نےفطرت کے خلاف جنگ چھیڑ رکھی ہے۔‘‘ انہوں نے نوجوانوں سے نیچر کو بچانے میں ان کی شراکت داری کو بے حد اہم قرار دیا اور نیچرکو بچانے کی کوششوں کے لئے ان کو نیک خواہشات بھی پیش کیں۔