یوروپ میں کورونا سےاموات کے معاملہ میں برطانیہ سر فہرست

پوری دنیا میں کورونا متاثرین کی تعداد جہاں 37 لاکھ سے تجاوز کر گئی ہے وہیں اس وبا سے ہلاک ہونے والوں کی تعداد 2 لاکھ 58 ہزار سے زیادہ ہو گئی ہے۔

سوشل میڈیا
سوشل میڈیا
user

قومی آوازبیورو

کورونا وبا سے امریکہ کے بعد سب سے زیادہ اور یوروپ میں تمام ممالک سے زیادہ اموات برطانیہ میں رپورٹ ہوئی ہیں۔کل تک یوروپ کا اٹلی وہ ملک تھا جہاں کورونا سے ہلاک ہونے والوں کی تعداد سب سے زیادہ تھی لیکن کل برطانیہ میں یہ تعداد سب سے زیادہ ہو گئی۔ برطانیہ میں اب یہ تعداد 29427 ہے جبکہ اٹلی میں یہ تعداد 29315 ہے۔

یوروپ میں اٹلی وہ ملک ہے جہاں کورونا سے ہلاک ہونے والوں کی تعداد سب سے زیادہ ہے اور وہاں یہ تعداد 29315 ہے جبکہ وہاں متاثرین کی تعداد 2 لاکھ 13 ہزار سے زیادہ ہے۔


پوری دنیا میں کورونا متاثرین کی تعداد جہاں 37 لاکھ سے تجاوز کر گئی ہے وہیں اس وبا سے ہلاک ہونے والوں کی تعداد 2 لاکھ 58 ہزار سے زیادہ ہو گئی ہے۔

امریکہ میں کورونا کا قہر تھمنے کا نام نہیں لے رہا ہے ۔ امریکہ میں کورونا متاثرین کی تعداد 12 لاکھ سے زیادہ ہوگئی ہے اور وہاں اس وبا سے ہلاک ہونے والوں کی تعداد 72 ہزار سے تجاوز کر گئی ہے۔اسپین میں ہلاک ہونے والوں کی تعداد 25 ہزار سے زیادہ ہے اور فرانس میں یہ تعداد 25 ہزار سے زیادہ ہے۔


سعودی عرب میں کورونا متاثرین کی تعداد 30 ہزار سے زیادہ ہو گئی ہے اور وہاں اموات کی تعداد 200 ہے۔ ایران میں متاثرین کی تعداد ایک لاکھ کے قریب پہنچ گئی ہے اور وہاں اموات کی ےعداد چھہ ہزار سے زیادہ ہے۔پاکستان میں متاثرین کی تعداد 22 ہزار کے قریب ہے اور اس سے ہلاک ہونے والوں کی تعداد 514 ہے۔ اسرائیل میں کورونا متاثرین کی تعداد 16 ہزار سے زیادہ ہے اور مرنے والوں کی تعداد 238 ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔