لبنان میں جیل سے 70 قیدی فرار، پولیس کے تعاقب کے نتیجے میں 5 ہلاکتیں

لبنان کی ایک جیل کے دروازے توڑنے اور جیل کے محافظوں کے حملے کے بعد ہفتے کے روز 70 قیدی فرار ہوگئے، پولیس اور مفرور قیدیوں کے درمیان ہونے والے تصادم اور تعاقب کے دوران پانچ افراد ہلاک ہو گئے ہیں

تصویر بشکریہ العربیہ ڈاٹ نیٹ
تصویر بشکریہ العربیہ ڈاٹ نیٹ
user

قومی آوازبیورو

بیروت: لبنانی پولیس نے بتایا کہ لبنان کی ایک جیل کے دروازے توڑنے اور جیل کے محافظوں کے حملے کے بعد ہفتے کے روز 70 قیدی فرار ہوگئے۔ پولیس اور مفرور قیدیوں کےدرمیان ہونے والے تصادم اور تعاقب کے دوران کم سے کم پانچ افراد ہلاک ہو گئے ہیں۔

ایسوسی ایٹ پریس کے مطابق پولیس کے ایک بیان میں کہا گیا ہے کہ فرار ہونے والے 5 قیدی اس وقت ہلاک ہوگئے جب فرار ہونے کے دوران وہ چوری کی ایک کار پربھاگ رہے تھے۔ پولیس کے تعاقب کے دوران کار ایک درخت سے ٹکرا گئی۔ لبنان کے دارالحکومت بیروت کے نواحی علاقہ بعبدا جیل میں جس میں 69 قیدی فرار ہوئے۔

پولیس کا کہنا ہے ہ اس نے 15 قیدیوں کو دوبارہ پکڑ لیا ہے جب کہ 4 قیدیوں‌نے خود کو حکام کے حوالے کردیا۔ سیکیورٹی فورسز نے جیل کے آس پاس کا علاقہ بند کردیا اور باقی قیدیوں کا تعاقب جاری ہے۔ پولیس کے ایک بیان میں کہا گیا ہے کہ واقعے کی تحقیقات جاری ہیں۔

قیدیوں کے ایک گروپ نے ہفتے کی صبح بعبدا جیل کا ایک دروازہ توڑا اور نامعلوم مقامات کی طرف فرار ہوگئے تھے۔ بڑے پیمانے پر فرار ہونے کے بعد سیکیورٹی فورسز نے بعبدا میں محل انصاف آف انصاف کے آس پاس کو گھیرے میں لے لیا۔ خفیہ کیمروں سے بھی مفرور قیدیوں کی تلاش جاری ہے۔

بشکریہ العربیہ ڈاٹ‌ نیٹ

    next