چین میں لیکیما طوفان سے 49 لوگوں کی موت

چینی میڈیا سے موصولہ خبروں کے مطابق مشرقی چین میں آئے لیکیما طوفان کی وجہ سے اب تک تقریباً 49 لوگوں کی موت ہو چکی ہے جب کہ تقریباً دو درجن افراد لاپتہ ہیں۔

تصویر سوشل میڈیا
تصویر سوشل میڈیا

یو این آئی

بیجنگ:مشرقی چین میں آئے لیکیما طوفان کی وجہ سے تقریباً 49لوگوں کی موت ہوچکی ہے جبکہ 21افراد ابھی بھی لاپتہ ہیں۔یہ اطلاع مقامی میڈیا نے دی ہے۔ ژنہواایجنسی نے پیر کی شام تازہ اعدادو شمار جاری کئے۔ایجنسی کے مطابق ہلاک شدگان میں زیادہ تر ژجیانک صوبے کے لوگ تھے،جہاں لیکیما طوفان کی وجہ سے60.68لاکھ لوگ متاثر ہوئے ہیں۔

یہ طوفان اپنے ساتھ تیز رفتارہوائیں اور شدید بارش لے کرآیا جس نے صوبوں میں کافی تباہی مچائی ہے۔ چین میں گزشتہ ہفتے کوعلی الصبح آئے اس طوفان کی وجہ سے ملک کے جنوب مشرقی حصے میں موسلا دھار بارش اور سیلاب نے کافی تباہی مچائی۔چین کے محکمہ موسمیات نے طوفان کو لےکر ریڈ الرٹ کا اعلان کیاتھا۔

دس لاکھ سے زیادہ لوگوں کو مبینہ طورپر ان کے گھروں سے نکال کر محفوظ جگہوں پر پہنچایا گیا ہے،جس میں دنیا کا اقتصادی مرکز کہے جانے والے شنگھائی کے تقریباً 250000 لوگ شامل ہیں۔