کورونا وبا کے دوران اپنی جلد کا خاص خیال رکھیں

کورونا وبا کا دور جاری ہے اگرچہ حالات پہلے کی نسبت بہتر محسوس ہورہے ہیں ، لیکن خطرہ ابھی تک ٹلا نہیں ہے اور اس عرصے کے دوران کووڈ کی احتیاطی تدابیر کے مطابق ہم سب کا طرز زندگی بدل گیا ہے۔ ان احتیاطی تدابیر میں ہاتھوں کو مسلسل صاف کرنا ، عوامی مقامات پر ماسک پہننا وغیرہ شامل ہیں۔ مستقل طور پر چہرے پر ماسک لگانا اور ہاتھوں کو مسلسل صاف کرنا بھی جلد کو متاثر کررہا ہے۔ مسلسل چہرے پر ماسک لگانے سے جلد کا سخت ہونا ، ڈرائی ہونا یا مسلسل چہرے پر ماسک لگانے سے نشان پڑنا، ماسک والی جگہ لال پڑنا وغیرہ جیسے مسائل شامل ہیں لیکن احتیاط کے طور پر یہ دونوں بہت ضروری ہے۔

سلیبریٹی میک اپ ایکسپرٹ ، 7 شیڈز ، میک اپ اکیڈمی کے پنیتی چودھری کا کہنا ہے کہ حالیہ دنوں میں دیکھا گیا ہے کہ بہت سے لوگ ماسک اور سینیٹائزر کے بار بار استعمال کی وجہ سے اپنی جلد پر کچھ پریشانیوں کا احساس کررہے ہیں۔ اس کے علاوہ دن بھر چہرے پر ماسک کے استعمال کی وجہ سے جلد کے سراخ کھلی ہوا کے رابطہ میں نہیں آپاتے، جو مہاسوں کا سبب بن سکتا ہے یا اس کے علاوہ پہلے کے بنسبت مہاسوں کی پریشانی میں بھی اضافہ کرسکتا ہے۔ ایک تو گرمی آگئی ہے جس میں زیادہ پریشانی ہوسکتی ہے۔ اس عرصے میں بھی جلد کی دیکھ بھال کرنا اتنا ہی آسان ہے، ایسی صورتحال میں مندرجہ ذیل چند نکات کا خیال رکھیں لیکن سب سے اہم بات اگر یہ سارے علاج مسئلے کی تشخیص نہیں کرتے ہیں تو پھر بغیر کسی تاخیر کے ڈرمیٹولوجسٹ سے رابطہ کریں۔

انہوں نے بتایا کہ ایلوویرا جیل ایک قدرتی موئسچرائزر ہے ، جب بھی آپ باہر سے گھر واپس آئیں تو ہاتھ اورمنھ اچھی طرح سے دھوکر اورخشک کرکے ایلوویرا جیل لگائیں۔ لگاتے وقت اسے دو سے تین منٹ تک اچھی طرح ملیں اور خشک ہونے کے بعد اچھی طرح دھولیں اور اس کے بعد اچھی کوالیٹی کی کریم لگائیں۔

انہوں نے مزید بتایا کہ اس سے نہ صرف ہاتھوں کی خشک جلد اچھی محسوس ہوتی ہے بلکہ اس سے یہ ٹیننگ بھی دور ہوجائے گی۔ اسی طرح رات کو سونے سے پہلے چہرے پر بھی لگایا جاسکتاہے ، جس سے پورے دن ماسک لگانے کی وجہ سے چہرے پر جو لالی آجاتی ہے اسے دور کیا جاسکتا ہے۔