تریپورہ میں نئی قسم کا سوائن فلو فیور! ایک کلومیٹر کے تمام خنزیروں کو قتل کرنے کی تیاری

گوہاٹی کی لیب کو بھیجے گئے نمونوں میں افریقی سوائن فلو کی تصدیق کی گئی ہے، جس کے بعد حکومت نے علاقہ سے کسی بھی زندہ یا مردہ خنزیر کے گوشت کی فروخت اور اسے باہر لے جانے پر پابندی عائد کر دی ہے

سوائن فلو
سوائن فلو
user

قومی آوازبیورو

اگرتلا: ملک کے شمال مشرقی علاقہ کی ریاست تریپورہ میں اب نئی قسم کا سوائن فلو فیور پھیل رہا ہے، جسے افریقی سوائن فلو کہا جا رہا ہے۔ خنزیروں کے 87 نمونوں میں سے 3 میں افریقی سوائن فلو فیور پایا گیا ہے۔ بیماری ملنے کے مرکز سے ایک کلومیٹر کے دائرے میں موجود تمام خنزیروں کو قتل کرنے کی ہدایت انتظامیہ کی جانب سے جاری کر دی گئی ہے۔

جانوروں کے وسائل کی ترقی کے محکمہ کے ڈائریکٹر ششی کمار نے کہا کہ بیماری کے مرکز سے 10 کلومیٹر کے دائرے کو نگرانی علاقہ قرار دیا گیا ہے۔ انہوں نے بتایا کہ خنزیروں کو مارنے کا عمل شروع کر دیا گیا ہے۔ جہاں پازیٹو معاملے پائے گئے ہیں، وہ علاقہ تریپورہ کے شمالی ضلع کے کنچن پور سب ڈویزن میں موجود ہے۔


گوہاٹی کی این ای آر ڈی ڈی ایل لیب کو بھیجے گئے نمونوں میں افریقی سوائن فلو کی تصدیق کی گئی ہے، جس کے بعد حکومت نے علاقہ سے کسی بھی زندہ یا مردہ خنزیر کے گوشت کی فروخت اور اسے باہر لے جانے پر پابندی عائد کر دی ہے۔ اس سے قبل میزورم میں بھی اس فلو کی تصدیق کی جا چکی ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


Published: 22 Sep 2021, 9:18 AM